F1 THE MOVIE-IMAX

今晚約幸男去iSQUARE睇18:40場次IMAX版F1 THE MOVIE，不過一家三口係分別出去。台灣女生出尖沙咀剪髮，我就早更過後番屋企泊好愛駒搭巴士出去會合晚餐，幸男就放學係區內食埋嘢再直出戲院。

開場甚有TOP GUN既feel，不愧為同一個導演。第一場比賽係Daytona賽事，鏡頭運用已經好似打機Replay咁。之後既F1賽車主線，係睇直播以及後製紀錄特輯NETFLIX Formula 1: Drive To Survive都未呈現過既新視點。

故事講男主角Sonny Hayes受老朋友Ruben Cervantes所托，去拯救上大半季失利(包尾)既F1車隊Expensify APXGP。任務為餘下9場賽事內上一次頒獎台(三甲)，否則車隊會被董事會賣盤。典型老手帶新手兼傳承既橋段， 加上近年Formula 1既經典戲劇性事故(2008新加坡Renault自撞，2018阿塞拜疆Red Bull同隊亙撞，2020巴林Haas車手炒車著火)，令劇情多一點真實性。另外，被敵隊投訴賽車違規既家常便飯，變咗係管埋層捏造部件違規既賣盤陰謀。

全場無咩冷場，導演巧妙地將維修團隊及工程開發部支線滲入主線。最後一戰既紅旗，完美呈賽車場上既致勝元素，賽前開發及準備，Pit Stop團隊表現，伴隨時機既策略部署，以及最後既車手發揮。

散場時聽到有女觀眾話好似睇NETFLIX Formula 1: Drive To Survive，無諗到會咁受女仔歡迎。男主角既原形係Martin Donnelly，既好多影評反駁話計落去Sonny Hayes會係60歲，但我覺得如果將Sonny Hayes設定係70年代尾出世，意外時係出道無耐既22歲金童，以四十中既歲重返2023年F1的話，應該會合理多一點。

散場時已經係21:20，即開平板配FLIP 6既hotspot睇奧地利分站正賽，已經出過紅旗兼有選手退賽。"It's all just noise"，呢句對白好中我呢個中佬既心。

以人家第二日要早番為理為，call的士飛番屋企，三個人一齊係後座睇直播(搭巴士要坐最後兼唔可以播聲影響他人嘛)。

番到屋企，仲有18個圈可以炸住soundbar嚟睇，去雪櫃攞啤酒先~

PS:原定係一家三口去戲院打咭位合照，我著白色BMW既POLI恤，人家著黑色FERRARI既POLI恤，幸男著灰底橙車McLAREN既T恤。由於太趕時間，幸男又換衫，所以未能完事......

ITVX

今晚用VPN扮係英國，download ITVX app落平板，一心睇免費波。無諗到個app要入埋post code，好在我醒起我有德輝個地址，順利輸入曼城code。

PS:睇廣告時真係好似舊年去咗英國旅行既feel。

趕打風前竣工

補鐘早收工趕番屋企，因為要趕大雨前換埋最後一盞戶外壁燈。舊燈組既慳電膽已舊到唔著，所以早幾日扚起心肝去華都配LED燈膽x4，兼係九記買玻璃膠。

14年既勞役，底座既膠邊已被曬到以粒狀剝落。記得18年裝修時換過一次燈膽，相信今次會係最後一次換，下次要成組換至得(底座會脆到碎晒)。

上網搵過防水戶外燈具，無咩款之餘，又唔太靚。市道唔好，貨品既選擇變得單調，大家都係用到就算。再唔係就用X宝貨，唔著火漏電就好了。降級兼降質既消費，令人無奈。

幸男考完試，夜晚番老家黐餐，每次都享受被照顧既用餐。

PS:原本諗住換PHILIPS既可變色既LED戶外燈具，但嫌out budget同太舊，所以至搏一搏挑戰脆化底座......

奄尖又眼利

尋日係大佬樓下交收既INART蝙蝠俠，今晚就開箱。整體造工唔錯，但稍嫌腰帶要就位遮擋腹部底與盆腰既空隙。

另外腹肌外甲既位置，好似太大幅，未能係腰帶之上收尾。對比番劇照，主幹少了原有既修長。

大腿上提極限為90度，勉強可以單膝下脆。

豪華版既吸引之處就係呢個Bruce Wayne頭雕，真係幾靚。

訂購送既特典就真係唔送好過送，廉價版既Hot Toys Batman Armory，雞到好似細個買既老翻特攝英雄貼紙既質素......

PS:今日同台灣女生一齊睇黑執事時，一眼就認得出朗格名錶~

F1憶CYBER FORMULA

捱夜睇F1，早預咗排位失利既Norris上唔到頒獎台，但求佢梗頸四或五儲吓分，無諗到臨尾會同隊友一齊平排爭第四位置。

即刻諗起CYBER FORMULA ZERO第四話既情節。

由於大家都同前車進入一秒時差範圍，所以一齊開DRS。

可惜同"天馬 (ペガサス) の翔くとき"裡既安迪一樣，Norris開完提速裝置後就炒車。唔同既係頭翼先撞隊友尾轆，再彈撞埋圍牆......

PS:唔知幸男會睇F1，係咪受我播過CYBER FORMULA系列既影響?

係愛定責任?

早更過後，番屋企泊好愛駒，就執個袋就搭的士出市中心會合台灣女生，轉西鐵去尖沙咀，目標係去相熟既餐廳。

人家揀咗洋蔥湯，我就揀龍蝦湯，個Orlando Crabe Cake就一齊分。

昏暗燈光之下，點都係有部正規相機至夠穩陣。

雖然餐牌無咩改動，但貪佢夠靜兼環境舒適，可以清優地用餐。

Side dish都食唔晒，下次都係唔嗌個crab cake，2份three-course dinner就好了。

托侍應幫我哋合照，我諗哥仔已好耐無為客人舉起相機(智能電話就多)。

甜品都要嗌停，唞多陣至上枱。

當年係關島行完禮，夜晚poolside BBQ都係買咗枝香檳嚟開(仲記得係要俾10%，但齊俾個冰桶同支酒過你)。從網站得知開瓶費$500，所以今晚自攜有年份Dom Perignon。如其開支唔啱飲既，倒不如利益最大化開瓶費~

PS:足18年，計埋拍拖就有20年了

浮流山海鮮餐歡送玲玲

今日放假，傍晚騎愛駒去澤豐相熟花店攞花，再上公路兜入流浮山。原本泊係行人路邊，但有路人長輩問我"做咩泊係度?果邊有泊車位呀!"起初仲以為係收費既泊位，原來係公家骨位(太耐無嚟流浮山)!入去海景放低紮花同相機，出番嚟泊骨位。

今晚主題係玲玲既第二次榮休，一眾舊同事嚟一齊食餐飯，畢竟大家夥拍多年，唔少都係食玲玲既消夜大。

2001年尾初出道係工作坊就開始拍玲玲番工，數落都有23年多~玲玲見證住我既成長，結婚擺酒，幸男滿月，工作崗位既調配.....希望佢可以好好享受真退休生活及天倫之樂。

散場後，我負責送奄仔蟹同生果俾因番夜班而嚟唔到既大昌同青年軍。

PS：最後一隻奄仔蟹係呈上俾幸男

新錶位

番晏前騎愛駒落藍地食飯，有別平時泊上行人路，今日可以泊天橋底新開放既骨位。除咗電單車骨位，仲有私家車同貨車錶位。

泊位充裕，只可惜太多泥水灰，慢車同落腳果下都真係要小心小心......

仮面ライダーフォ―ゼ

繼仮面ライダーW之後，我再一次扚起心肝睇舊拉打，今次揀咗另一位當年接受唔到既雞蛋頭FOURZE。

第二集男主角如月弦太郎成功首次變成FOURZE，並使出Rocket Drill Radar Limit。以前覺得又火箭又電鑽唔知搞咩，但而家反而覺得合理~跳唔到咁高咪用火箭推進囉；腳力唔夠猛咪加電鑽幫忙囉。好過KIVA踢腿至最高，再用剩底既單腳屈摺蓄勁，跳到鬼咁高再衝番落嚟丫。

記得當年有見過呢幕電單車射上太空，希望唔係集集都要飛到咁高嚟KO怪人。

另一個有趣既地方，故事設定拉打稱號係網絡用詞-泛指各地對付怪人既英雄，不愧為40週年作，向前作致敬(左上:BLACK RX；右上:一號；左下:古迦；右下:SUPER ONE)。

當初另一接受唔到既係男主角既髮型，而家睇真啲就覺得佢係暴走族既造型(短身外套)。校園作故事主場地，有男二(歌星賢吾)同女主角(城島悠木)既戰略及技術支援，感覺係特攝戰隊風格既拉打。

學人捱夜波?

朝早起身番A，見客廳電視播住歐聯頒獎，而幸男就橫臥梳化，好明顯係捱夜波但體力不繼…...

被近影都唔知，被竇摷電視遙控都唔醒，我係客廳拉腳加mountain climber兼plank都不為所動。臨出車前都唔見有動靜，相信著引擎既聲都唔會打擾到年青人。