區內母親節

每年都係代收花(一係閒日，一係收花者外出)，今年就可以帶台灣女生出去球場尾收花。

其實紮花都係三日前去跌打時至醒起，入到個網站見得番個零鐘就cut單，邊行邊急住揀花款同諗message提字，再用笨拙既指頭輸入資料。

幸男有同學嚟做project，但都叫咗佢出嚟一齊影合照。我話呢個方向係背光，人家係話無問題，結果都係要再係電話執吓，至放上社交平台。

夜晚近近哋係鋒哥廚房食雞煲火鍋放題，人家鍾意打邊爐嘛~母親節正日爆場，我尋晚至打電話訂3人枱，好在仲有枱啫，如果唔係都唔知食咩好。人家滿意火鍋配料有海鮮，因為雞煲後揀咗椰子雞湯底，變相無位可以嗌多啲配料。

番到屋企，拎埋幸男買既蛋糕同朱古力出嚟擺拍，希望年青人可以學會𡃶屋企人多啲。

PS:書房都有擺拍，拆埋把"戰神寶劍"(ATV詮釋)同個"旋轉光速刃"出嚟，幫金剛戰神擺POSE。