晚飯後(我騎愛駒兜荃灣外賣西餐)，兩母子換定衫支持LANDO NORRIS睇今屆F1煞科戰。
幸男偶像排第二起步，起步未能挑戰前車Verstappan Max，亦被身後排第三步既Piastri Oscar緊隨。頭圈第9個彎就被Oscar扒頭，守住第三位直至第17圈入pit。出pit後既Norris排第9，先係第19圈彎住連過Stroll同細牛Lawson。第23圈Norris追到大牛既角田，但被迫出白界外超車!原以為係Norris壓力下犯錯，原來係角田近距離下二次轉線犯規在先，結果Norris無需讓回位置兼受罰。
第40圈入pit換白胎，Norris成功守住第三衝線奪阿布札比分站季軍，總成績(423)以2分之差，險勝Max(421)，成為2025年度F1世界冠軍。
先經歷落後於隊友，之後狀態回勇，卻因加拿大分站DNF而再度被隊友拉遠總得分差距。後半段分站賽，面對RED BULL既部件更新挑戰(MAX既多場奪冠)。呢位F1七年生，最終站以最穩陣既方案，排除障礙(大細牛車手對MAX既援護)，回饋家中兩位車迷既支持。
