舊建築

同台灣女生出太空館睇"希臘迷城",其實我地都幾想去希臘,未有得去,咪睇住先囉.

巴特農雅典娜神廟遺址.

電腦模擬復修後既巴農特祌廟內觀.

睇完全天域電影,四圍影吓相,搵番我中學係呢度睇全天域電影起,附近未變既景物.

屹立不倒的名牌酒店.

歷史見證既鐘樓.

人來人往既新港城碼頭.

お姉チャンバラRevolution

等咗好耐,卒之都等到呢隻美女喪屍game出啦!今次係wii平台玩,斬劈當然係爽.如果你問會唔會同RED STEEL一樣有二流刀?答係有,而且畫面仲比RED STEEL靚,淨係女角已經夠殺食啦(充滿動感O架)~

之前個隻no more hero真係玩到無咩心機繼續落去,畫面,模式同音效都較弱,嘥咗手搖式充電激光劍既點子.

望勻書報攤都無咩GAME書介紹同刊登攻略,唯有靠自己啦.我會打好呢隻GAME!!

http://www.d3p.co.jp/one/r.html

黑之三連星

臨收工發生少少意外,要寫薯仔文.......見今晚都要番夜,算啦,今晚至補寫,快啲番屋企訓覺,抖足精神嘛.點知落到停車場,見到有架街車泊到好埋,佢條死氣喉同我個後坐腳踏包圍只得一個手指頭既濶度,應該係鑑硬係我同另一架車中間攝入黎.

明明係兩個位,變咗三架車......試過扭正個把手,發覺如果向前衝落大架的話,左邊側鏡同把手就會撞向隔離車既把手....出唔到....

望過car park permit,走去e&m問有無係人車主,但無人話係,結果要去搵保安經管事部搵車主.三點幾至搵到車主,原來佢係九龍做緊野,要四點半至番到黎.郁人地部車又怕刮花同推冧,唯有等.....

係公司地下既"娜渣麵檔"食少少野,再去send衫.四點七至見到個車主,真係幾"科"吓,成個大佬咁,唔怪得舞得掂架1300cc既街車啦.好客氣咁話唔好意思,仲點話得人落丫,反而傾咗陣電單車經.......

番到屋企,見門口鋪水泥,無得駛入去,結果要泊上行人路.由於路面不平,都要"吞"好多次位至泊好.擺街果幾個鐘,擔心住黎訓.今日真係多考驗...........

國情

今日睇電視介紹受雪災影響供電既湖南郴州,見到成個城市入夜後漆黑一片.電工不停咁搶修電網,有啲仲體力不繼凍死.

股市幾暢旺都好,有幾多個太空衛星,同太空人都好,人民既生活水平無得到改善係無奈的.如果話要先讓一部份人富起來(沿海城市),再用增長咗既儲備黎去發展偏遠既地方,咁究竟有無完好既計劃呢?

除咗電網外,春節火車站大擠塞都顯示咗基層建設同配套唔夠隱固.

ps:身為中國人好唔明白,既然大家都生活艱難,點解會去整啲假酒,不合規格既產品同食品黎呃同胞既血汗錢同傷害別人既健康呢?文教真係好重要....

shoot 'em up

今晚同台灣女生安在家中睇租番黎既"無名火",80分鐘故仔,但絶無冷場.

男主角粗野既造型好掂,唔sell靚仔,只sell硬朗.駁火場面多,雖然有少少誇張,但都唔會惹人反感,因為有唔少搞笑位,好似用胡蘿蔔塞入壞人既口,再一拳打入去,插穿人地個頭;邊"炒飯"邊走位用槍擊斃前來暗殺既槍手;set拉繩機關黎遙距開槍殺人.

最後主角負偒被大佬追殺個幕,真係諗唔到佢會咁樣解圍.我同人家都覺得比"美女.喪屍.機關槍"好睇~

1st電動牙刷&中大家訪

今日係市中心BEST買咗呢款電動牙刷,雖然係貴啲,但適逄八折優惠,於是就買咗.之前台灣女生用過oral b既pulser棄掉式電動牙刷,話乾淨啲,但我又嫌佢有啲唔環保.,所以唔讚成再買.

係電視既推廣下,我地留意到呢款電動牙刷,專利音波震動技術同具角度刷頸好似比其他品牌比下去.既環保又可提升口腔牙齒衞生,值得一試!(其實係我怕蝕牙,所以勤刷牙)

晏晝有人家既大學書友黎拜年,一齊睇吓結婚相,打Wii,打牌,晚飯打邊爐,熱熱鬧鬧咁.多得外母大人既gas爐同採購食品,今晚至可以咁順利~

年三十晚

年三十晚,無咩家人團聚,呢一年黎都係有家歸不得,連見吓老豆都要偷偷摸摸咁.

適逄今日番夜,晚飯都係一個人食老麥餐.見過往一年都係幾唔順景,所以特意食個新年餐沖喜吓.

日語頻道

今日趁台灣女生番夜班,我就安在家中睇Gordon幫我錄既"鴉",真係型到爆!!好耐無試過為一套動畫而咁雀躍,畫功,音效都一絕!!

主角乙羽身負重傷,"鴉"之重生既一幕,簡直係感動!不過無諗過last打大佬廻向,只係一刀了結完事,有啲想佢地打耐啲至收工.

跟住睇埋人家幫我錄既"螢之光",都幾好睇同惹笑,主角小螢(綾乃遙)喜歡飲既啤酒,正正係我係日本成日買黎飲個隻suntroy~~之前三集miss咗,唔知當初點解小螢會寄居係上司家中,好耐都無咁好興致去追一齣日本電視劇集lu~