二人大阪遊Day5

 訓晏少少，細喼出門，係鐵路站附近食咖喱當Brunch。

我哋要中途轉列車線，因為目的地係鄉郊啲既丹後市網野町。

架車內飾非常和式，又係FLIP 6出場既時間。

落車時，見到月台有少少未溶晒既雪，計落都6年無見過雪。

沿海邊行去溫泉旅館，間房好正，有個露台望海。

最大賣點當然係私人風呂，仲要係望海添~

操國語既台籍女職員為我哋辦理check in手續，一如e mail所講，旅館附近無咩嘢行。領隊為咗日本夕陽100選，是日唯一既打咭點係夕日の路。我同台灣女生講，我既人生都踏入夕陽時份......

竟然有個銀髮族拎住大機同腳架嚟影浪，我被眼前呢一幕動容。

領隊話呢個韆鞦係必影既位，當然要做嘢喇。黃昏逆光，扭到盡部機A7iii，JPEG直出既成品。

激鬼死，反而電話相機可以擸埋韆鞦隔離個木牌入鏡。

領隊諗住用駐沙灘既自拍木架嚟selfie，當然係影到個人好細粒。

話晒情人節，行貨嘢點都要做吓既。領隊為咗影相靚，日式浴衣外著大褸出嚟。

行到旅館已開始入黑，晚餐預約係18：00，食頭輪。

料埋原來以蟹為主，仲要有蟹刺身添~

個餐堅多嘢食，質同量都係誠意滿滿。

平時溫泉旅館晩飯既飲品係另計，呢度竟然係free flow。我主力飲生啤，領隊揀清酒，臨尾有試當地紅酒，不過就比較輕身。

二人大阪遊Day4

朝早落去旅館餐廳享用朝食，食完hea多陣兼浸多次溫泉浴就call的去車站。

溫泉旅館既lounge有雜誌介紹SHOEI Gallery，一心順道朝聖，結果係摸門釘......

唯有係附近既商場行吓當買手信，呢個禮封好好笑......收穫都唔少，順利買到套長袖睡衣。

晚餐係酒店附近既蟹道樂食，超近超方便。

人家要先點餐，再處理"網上數據"，頭段要帶住個耳機嚟邊聽邊傾食。

自結婚度蜜月旅行食過蟹道樂，每次去日本都會幫襯就近既分店，始終香港有蟹刺身既餐廳唔多嘛。

之前抽唔中，今次卒之都成功入手HAND GUN丘比特。

臨番酒店，去YODOBASHI望吓，目標ZE3000SV竟然無貨.....

二人大阪遊Day3

朝早係地下商店街食過早餐，拉住hand carry喼搭JR去京都。

由於唔想迫巴士，所以我哋搭千二円的士前往下榻既酒店。

11點半左右到達酒店，由於未夠鐘check in，放低行李係大堂寄存，再出發去附近行吓。

經過一間食店主打吉列和牛，人家上網見評分唔錯，於是提議提早食晏。好在早入座，之後人潮就開始了。

人家手上果杯係抺茶生啤，我試咗一啖都怕怕，唔係我杯啤。食完飯無耐勁肚痛，於是急急番去酒店借廁所。

人家見我面青青，話不如坐人力車觀光當唞多陣先，反正行去食飯時係街上見唔少力車手兜生意。等咗好耐都無，結果行番去酒店門外睇

揀咗一小時既路段套餐，期間車手以簡單日語夾集英語單字向我哋介紹地標景點，仲話我哋好彩可以見到前往上堂既舞妓。只可惜行車太遙兼zoom盡後既光圈太細，只能鬆郁朦作結。

FLIP 6既自拍，好似面色好番啲噃~

車手偶爾會係景店駐足，俾時間我哋影相兼作講解，有時會用電話作即時翻譯，加強溝通及亙動。

車程結束後，我用唔通順既日語誠邀車手一齊合照留念。

老街除咗多人打咭，仲有唔少手信店。

唔係有和菓子陳列品放係門外，一定以為係有人住既古屋。原來間舖好細，俾完錢就係戶外區域稍等。

係半戶外既木椅上享用甜食，與古時既旅人於茶寮交叠。

一手都係手信，先行番酒店check in兼放低，再係公共休閒區飲番杯氣泡酒小休。

見落細雨，借酒店既遮行去清水寺。

天陰下既色彩有點失色，唯有當淒美感~

人家有挑戰弁慶既鐵杖重量，當然係舉唔起。

音羽之瀧-三條瀑布水流代表健康，愛情及學業，唔少遊客用長水勺兜泉水嚟飲。

傍晚時間，古都街既商店都陸逐拉閘。

街頭抓拍新舊共融街景(是日最滿意既JPEG檔)。

街頭抓拍穿越古代建築美學。

晚餐係酒店享用，我揀咗啤酒TASTING SET，人家竟然揀清酒TASTING SET，結果當然要我幫手飲。

PS:房間有私人浸浴池，特點係有一支清酒俾你倒落池水。

二人大阪遊Day2

晨咁早起身落去酒店既浴場，一人包場兼可以唔怕打擾或冒犯別人。

尋日係商場見到好多排呢間DONUT店，所以今日十點半就到。見店內明明有吉枱，點解仲有人排隊?原來11點前入座，只有幾款指定既DONUT供應，結果我哋乖乖排隊。

搭鐵路去大坂城，台灣女生一早網上買定飛，所以慳番排隊時間。

雖然唔係天陰，但厚雲不時遮蔽太陽，令影相設定要跟住嚟變(本人逗相比較耐)。

圖中顯示現今德川家大坂城同前身豐臣家時代既比對，舊城已被拆毁兼埋下地底。

城內有唔少展品，讓遊客更容易投入歷史之中。

頂層精品店側行出去，可以俯瞰庭園。

臨走再一次近距離自拍。

一心去隔離既洋館商場食晏，可惜已過咗午市時段，唯有係樓下既商店小食檔搵食(食埋早上有剩既冬甩)。

豐國神社外，有豐臣秀吉既銅像。

庭院有零散既梅花，純打個卡。

是日第二景點為黑目，人家一心俾我尋寶，但我只係齋睇唔買......

電腦警察主角既電單車，開心見到真品!

SD機動警察，記得當年小學六年班係八佰伴買既。背部有制禁，兩膊著閃燈同機身發出警號聲，都要成舊水0架。

呢個散裝既藤原忍，其實係超級機械人大戰HYPER AMOUR既超獸機神斷空我。除去頭盔，套上斷空我既空心頭像，胸甲，手甲同腳甲，就變成Q版斷空我。當年我係栢麗既game舖玩具店入手，不過而家已無keep到。

行去附近既黑門市場，係其中一檔水產店食一生一燒生蠔，話晒晏晝都係輕食嘛。

人家見到有關果煮，於是趕拉閘前入店，我就志在杯啤酒。

搭鐵路番梅田，係商場行陣，見到呢個電話掛飾幾好笑。個白板刷係用嚟抺電上芒上既油污。

成八點至食晚餐，係一間放題居酒屋食。

嘢食唔錯，飲品放題原來都有例外，結果張單要改幾次先致啱(用電話翻譯作文字溝通)。飲飽食醉就可以行番酒店。