斷空我three zero

尋日已係網絡上見到three zero有斷空我既作品,今次KELVIN SAU REDESIGN版,比千值練既作品更多修改。如果話千值練係電影版既設定風,three zero既取態就係現代修定版。原本諗住下一個斷空我會係pose+既出品,因為佢出開70,80年代既卡通變型玩具。

今日見到動漫展既照片,太感動了,原來可以分體成野獸模式~Big Moth背部大炮及側炮氣勢不足, Land Couga同Land Linger則重拾動物既神態(背部既起伏及修長既四肢)。Eagle Fighter機翼既新設定,好似中間好似少咁忽咁(無咁以前雄鷹展翅既帥氣),而且斷空我既面譜有走光之嫌(礙於體積太細,未能盡覽細節)。飛行器加入了幾何線條,為過時及單調既設定帶來了生氣。

人形模式,各機都以高挑醒目比例示人,不再肥矮。如果Eagle Fighter既人形可以將鷹頭向後摺疊就更好(免與超時家要塞既Valkyrie撞款)。

PS:期待戰車形態既官方照或諜照~

日劇@netflix and viu tv

好耐無心水日劇好追,最近就係NETFLIX搵到青のSP校內警察·嶋田隆平。自死亡筆記開始,偶然於日本電影裡見到藤原竜也既演出,今次係第一次追佢主演既電視劇。故事中,男主角貴為刑偵精英,卻自願加入實驗性質既學校警察計劃。其間解決不少學生既問題,有點似暗黑版GTO,主線係調查一年前任職該校既女友意外身亡秘密。

至於Viu TV既ハコヅメ〜交番女子〜,就係講為求安穩既女主角合川(永野芽郁)考公務員,結果得警察收佢。初出茅廬並錯漏百出,幸得前輩藤聖子(前刑警精英)出手補鑊兼間接指導,還不時搶去搜查一課既案件。嫌辛苦而萌生退意既合川,漸漸投入服務社區工作。

PS:兩齣日劇既刑警精英,其實當年係夜神月同彌海砂既演員~

擇善固執

今日上網見到一篇網頁有關日本以保安理由,政府順應部門意見,繼續以FAX作內部訊息通信。除咗FAX,其實圖章亦係日本受到淘汰威脅。

網絡方便,功能性手提電話演化為智能電話。其應用之發達,大家不自覺地少了一點實體交流及回憶,例如一張車飛,一張戲飛,一個簽名....... 另一個議題就係私隱及安全性,大家一定聽過或經歷過某某社交網絡平台,某某網購公司,某某智能電話用戶資料外洩。

日本人對傳統有一份執著,即使電腦文書檔案,亦不缺下屬既斜傾圖章。

日本京都醍醐寺將於構思,2023年將寺院收納於人造衞星,經火箭射上太空,並於軌跡上圍繞地球作祈福。網頁已可似俾善信登入,並填寫願望,種類選項裡仲有"新型コロナの収束"。

淨天院劫蘊寺內會有佛像及曼荼羅,真係一絲不苟。我眼中既日本正正係擇善固執,將傳統融入新科技。

PS:唔少人去日本旅行後,抱怨QR付款未普及,主流仍以現金作交易。大家又有無諗過地震頻繁既地區,如電網及通訊網受影響時,電子付款又如何運作呢?正如燃料電池載具 (Fuel cell vehicle),唔會受電網安穩性所局限,只要去到氫氣站,就可以為車輛打氣,去進行救援或其他物資傳遞。

取貨@O2O店

今日去景峰既HKTV Mall攞貨,因為石表哥介紹有得買攞奬既鯨24。話就話係whisky,但其實係用日本米黎代替麥芽,所以係FUSION日式威仕忌。

另一樣入手既貨品係SWITHC既火牛兼TV dock,因為早排去碧權屋企時,我要孭埋個原廠dock。況且我都想試下用書房既電腦芒黎駁switch黎打ASPHALT 9,唔洗係客廳打擾幸男做功課。

PS:一駁上IPS芒,發現色水差一大截既?哦~睇慣咗SONY OLED電視~

說好了的4K呢?

網上一直傳下半年會有SWITCH PRO出現,但今日特報既係OLED版…係就係有7吋新螢幕,但DOCK輸出無表明有4K(心死了吧)。

除咗個芒,喇叭有升級,背部支撑架亦有進化,Dock有LAN線位。一直等待SWITCH既4K化,期待可以追到PS 4 pro既質數(妄想有ace combat系列之移植)。

PS:其實而家係電視玩賽車Game (asphalt 9), 都睇得幾辛苦。未計畫質, CPU運算未能將遠景隨車速順暢地拉近眼前…

沒有比較就沒有傷害

山寨版既吸塵拖地機已用咗兩個月有多,見滾刷頭已有點殘舊,所以拎出士啤刷頭作替換。唔係擺出黎對比,都唔知原來當初係咁雪白~

PS;粗略計算,刷頭用咗近廿次左右,睇黎都要訂定士啤刷頭同filter。