值得追看機械人動畫

睇咗2集既《勇氣爆發Bang Braven》，重拾細個睇卡通片既樂趣。故事以簡單既主線，配上適量既迷題與笑料，加上正向既英雄（勇者）主義。沒有大人向既暗黑面與暴力美學，取而代知既係點到即止既性感（hehe及女角福利）。

男主角一進入Braven駕駛艙，就聽到Braven自攜既主題曲。今次既作品，成功以半致敬半自嘲既手法，包裝被視為過時及兒童向既勇者風。

一睇到呢個畫面，就知道係大張正己（愛機-超獸機神之機械設定及作畫）既風格。無錯，老師正正係《勇氣爆發Bang Braven》既導演！

PS:我已係kkbox download主題曲

《ババーンと推参！バーンブレイバーン》

拯救2024歐國盃足球

早幾日幸男約咗朋友黎踢波，唔知佢哋點解佢哋可以踢都咁高(大腳斬遠波)?今日早更補鐘收早一個鐘，番屋企放低愛駒就拎士多房既伸縮棍(鋸樹用)去撩波。雖然知道係近花炮會果邊既龍門後網架附近，但都望咗三次次搵到目標。

伸到盡支棍，都仲要雙手高舉至成功撩出個波。今次唔係鋸樹，所以無腹肌痛，尚算輕鬆完成任務。

PS:今晚幸男放學上婆婆屋企食，台灣女生收工買餸煮簡易西餐。

没有咒靈的世界

星期五不再有相熟既動畫，感覺係有點失落，畢竟每星期既惠勞，就係攤梳化，以OLED電視配SOUNDBAR，享受聲畫中既"咒術廻戰"。

新篇章既動畫化在即，雖然網上有唔少漫畫迷雷爆後續情節崩盤，但都好想見證吓有幾不碪入目。

呆望海

半個鐘車程就到，所以望海發呆已不再局限係青山灣或黃金，順便可以巡航兜風嘛。今次FLIP 5既沙灘夜景相，比上次瀕死狀態下既Sharp AQUOS R6抽像照好得多。

爬樓梯番上去攞車，記得有一次中途遇到野豬，要兜另一邊燒烤場既路行。

每次嚟呢度，都會諗吓如果阿強仲係度既話，佢會同我講咩?e.g.點呀?波哥~

骨位泊滿細羊，燒烤場又傳黎喧嘩，唔知係咪收工後既車手聚會呢?

回程行番沿路跑屯公，再一次讓愛駒既引擎，代心情欠佳既車主咆哮。說話要少啲，意見要少啲，等到被詢問時至好發表，係我呢兩日既得著。無謂枉作小人，無謂被冠"多慮"之名......

PS:收工一開始係去咗大笪地宵夜睇吓有無執笠，原來得番一兩檔有開。想夜啲至番屋企，所以毅然上高速。

一人午餐

轉車站駁260X出尖沙咀，搵光仔放低支生日紅酒。其實聖誕已準備好，只係一直番工太忙......

遠道出門，無理由唔食埋個晏丫，望下是日餐牌。

睇嚟我係是日第一個堂食客喎，話晒1點都未夠嘛。

好耐無試堂食，近呢一年都係誇區外賣。

無倒汗水既湯，味道，稠度同溫度都係最好狀態。同事們試過誇區外賣後，都異口同聲話微暖之下都好好食。

三文魚薄片時蘿意大利軟芝士，清新得嚟又夠特色。

美國頂級牛板腱配紅酒牛燒汁，絕對係高蛋白飲食主義者既不二之選。

一個人的浪漫，自拍交功課。

飲品補錢都要揀Cappuccino，為高級午餐作完結。甜品Earl Grey奶凍，就俾我打包拎番去俾台灣女生。

行番去海皮既巴士站等車，見有太陽傘座位，於是坐住等車。

PS:時間過得好快，親自騎羊出浸大拎外賣既經歷，好似係無耐之前既事。畢竟疫情偷走了大家3年多時間......

海外網購

之前台灣女生幫我訂既海外訂購貨，今日卒之入屋。日本直送既KOMINE牛仔褲，個款既膝位真係有啲撻撻哋，不過無車迷城果條咁礙眼。係就係要等耐少少，但總叫做平咗少少。

一樣都係隔個海，另一件貨係來自台灣既七海健人既鉈刀造型散銀包(有啲似Q版)。諗住買黎扣落之前買既TAICHI body bag，增加載物量(例如八達通或耳機)。

其實之前睇中咗日本出既長身袋，內裡有七海健人件恤衫既藍色，可惜22年既產物已經斷貨......

PS:著過電單車牛仔褲係番唔到轉頭，獨特既剪裁，令車手係屈膝及跨腳時，唔會感到不適及限制。

P更後的放鬆

番完晏，有啲唔夠飽，焗番熱金蓮煮多咗既蠔餅做宵夜。以前收工買宵夜係好平常，但新香港既常態係夜欄靜。

做冬果晚係老家食飯，順便拎番部SWITCH。幸男因為見我向佢問過手機賽車遊戲，而勾起賽車軚盤癮。棄玩多時既ASPHALT 9竟然仲未被踢走車隊。車隊仍在，但已人去樓空。