番A更咁早就出門，去酒店附近既鐵路站搭車，街道上唔多途人。
我哋就係轉搭呢架列前往法國東部既小威尼斯，地點係幸男係領隊度行程時建議既。
早餐都係買上火車食，呢張唔係領隊影我既抓拍，而係擺拍~
前後近三個鐘既車程，卒之到達幸男既同學之家長推薦加持景點-Colmar。
有別日本既鐵道員既嚴謹，從肢體上感受到法國既隨意率性。
過百年歷史既車站，本身已經係一個景點。
我哋先去咗搭船既碼頭仔買飛，有別大部份景點，呢度係只收現金。
先去行一陣，一個鐘後番嚟遊艇河。
馬路上見到火車造型既觀光卡車。
行咗入去間小食店，未到聖誕節都有薑餅人賣。
幸男同我都係揀咗雪糕球，早餐已係車程上消耗得七七八八，而且我哋要坐完艇至食晏。
沿河都係中古世紀既外木架既建築，唔怪得話置身童話世界。
趁有時間，行去市集望吓，唔知住宅區既當地人會唔會嚟呢度買餸呢?
卒之到我哋上艇仔喇，主觀視角係值得課金既。
期間要穿過橋底，大家都要彎身縮底作配合，有啲似日本去柳川坐觀光艇既經驗。
投入遊客角色，Flip 6自拍，有人有天有水有景。
有鴨仔係河上遊走，睇嚟佢都慣咗有遊人既河道。
落艇就去搵地方食晏，坐既枱係廁所位，好在推門後係一個anti room。幸男坐正係相架果邊，唔覺意吞後張櫈時整歪掛架，好在無跌落嚟。
餐廳既內飾，好有歷史感，窗外既景色亦可以令人放慢節奏。
努力係網上search餐牌上既菜式，順利點餐~
鳥瞰式自拍，一次過影晒大半張枱。埋單時，店員提我背囊要孭係前面，以防扒手，睇嚟領隊一直既擔憂係合理既(我亦對Pacsafe防盜背囊有信心)。
2大1小天鵝游近河邊餐廳，完全唔驚人。我都好耐無近望過天鵝，對上一次係同小學既幸男去動植物公園?
感覺好似舊年去Bath咁，𣎴過規模細啲，遊人可以輕鬆hea一天。
行咗入去間傢俱家品店逛，古建築盡顯歐陸風情。
行到攰，去咗間Cafe坐，個廁所好似Disco咁。
又曬又熱，無地方歇吓腳真係捱唔住。
搭鐵路番到巴黎已經差唔多八點，前往領隊book定Bill介紹既呢間LA COUPOLE，以裝潢兼餐牌嚟睇，好似同Terminus Nord同一集團。
除咗生蠔同青口係翻兜之外，今次加咗他他牛同龍蝦。
隔離枱既Uncle，可能覺得呢枱亞洲人太開心兼咩都影一餐。
早出晚歸巴黎，點都要啤啤佢~
兩母子就嗌甜品食。
近十點至番到酒店樓下，住埋聽晚我哋就要離開浪漫之都喇。
