朝早六點鬆啲就到St Pancras站，正當諗要買麥當勞時，我哋搵到間早餐食店LEON。由於趕時間，所以全部外賣拎走。
有別老麥，呢間除咗有包之外，仲有傳統英式早餐。我就揀咗差唔多£6既The Big Breakfast Box, 39 protein :有煎蛋，腸仔，煙肉，烤芝士同茄汁豆，另配咖啡。好耐無試過食有暖意既早餐，因為次次都趕交通，包點配飲品走上路.....
落到Manchester，我哋再買輕鐵日票，搭去總站Bury。
幸男話呢度好似大興商場咁舊，同多老人家。
舊車站鄰近市集，保育兼觀光點，讓遊客可以體驗時空旅客。回到過去，坐蒸汽火車欣賞山景風光。
昔日既Thomas迷，提議嚟呢個景點。上次去Manchester時，逗留2晚，一日去曼城球場，一日去足球博物館兼市內逛波衫舖，己砌唔到時間去佢上網search到蒸汽火車。
站內有懷舊餐車卡，原來有得book可以食晏既班次，只係幸男唔夠早俾資料媽媽，所以book唔到。
領隊陪幸男去位於車站遠方既一個舊車卡(紀念品部)，我就留係月台搵景影相。
趁有時間，行埋去車庫改建既博物館。
館內除咗蒸汽火車之外，仲有當時既交通工具。
.JPG)
呢款舊巴士，香港都有引入過。
唔少本地人都嚟等坐車，睇嚟外地遊客唔係唯一既客源。
我係月台盡頭八卦吓有咩好影，聽到蒸汽火車聲，舉機影下呢一幕火車與火車迷之亙動。
原來我哋坐果架喺另一款，好在都回得切防，捕足到埋站既一刻。
車速唔快，不時係站與站之間停低(等燈位?)。
到終點站Rawtenstall喇，我哋有3個鐘時間逗留。
幸男上網搵到間餐廳，我哋跟住google map行，途經唔少住宅，佢地出面既花圃都好大好靚。
難得見到部日系房車，襯埋個山邊路景，十足廣告截圖!
我同領隊講，如果我係住附近既話，應該經常係Bar枱留連。
我問侍應有咩生啤介紹，結果揀咗呢款local beer。咦?呢個logo咪我尋日咗唔太特別果支?生啤又好飲啲喎~
幸男杯可樂係用GUINNESS杯嚟斟，望落又有點似黑啤。
我揀咗精選菜單既Sizzling Seabass，配白飯兼有紅椒蝦仔既組合，令我諗個廚係咪亞洲人。
反而幸男揀咗好西式既10oz Gammon Steak，有炸洋蔥圈同薯條。
大家食得開懷，一人一甜品。幸男揀2球既士多啤利雪糕，領隊揀Irish Coffee再同我一齊份Sticky Toffee Pudding。平時唔太好甜品既我，都對呢款Sticky Toffee Pudding著迷(領隊都大讚)，唔知番到香港搵唔搵到有地方可以食呢?
行番去車站附近，聽到"咯咯咯"聲，原來有人坐馬車，啲馬又好似唔怕汽車0架喎。
一睇就知係Motorcycle Camping友，我都好想試吓。
見仲有時間，行埋個本地既超市，買咗本F1集圖册俾幸男，仲見到呢張咁幽默既卡。我都係搵唔到TETLEY'S，但買到支舊年係曼城間意大利餐廳飲過既啤酒。見仲有時間，google map搵到附近有個馬術學院-Dam Top Riding Centre，行咗15分鐘唔止，結果話馬路上既馬車係唔關佢哋事，可能係非區內既人帶過嚟。
趕頭趕命邊跑邊行番車站，成功達陣。
再係Bury轉搭輕鐵，被領隊偷影父子家庭照外既貌合神離。
由於要趕搭19:33班列車(2個幾3個鐘車程)，所以好急趕咁係車站附近搵地方早食晚餐。無諗到熱情既亞裔侍應，聽到我哋傾食乜後，竟然以廣東話回應(睇嚟真係唔少港人移居)。
一雞一牛，我哋有向侍應講明我哋趕時間追車，確保出得切餐至落柯打。
PS:成功用一日既時間，嚟完幸男舊年既心願。
