係車站食早餐已係慣例，不過今次係食冬甩。酒店搭鐵路去London Bridge站，邊食邊等local tour接頭人。
鴨仔團係Brighton Station落車。
其中一位團友好似表叔，忍唔住要send番去香港。
今個本地團賣點係坐旅遊巴去山旮旯睇靚景。
導遊既口頭譂係"superb"，去到郊區路段，先帶我哋隔住車窗探一隻鴯鶓(農場養)。
第一個落車點Devil's Dyke，未去睇充滿故事性既景點前，先係呢個觀景台遠望。
導遊介紹Sussex有好豐富既limestone，呢塊石係佢手上傳俾我哋一眾團友睇既。
外國就係多呢啲戶外閒遊，放吓風箏，放吓狗，自我放空。
可以理解呢度係郊野公園，好多人嚟行山遠足。
原本坐戶外位，但見室內有位就即刻搬陣(外面不時有蜜蜂)。午膳時間唔多，等嘢食都用咗唔少份額，結果臨尾想換埋咖啡都等唔切。
以前陪幸男睇Thomas小火車時，記得有一個故事係"山中人The Man In The Hill"。無諗到午餐後既景點係故事既實景Long Man of Wilmington。導遊話佢試過行山，見到有專人為公仔補色。
上車坐咗陣就到South Downs National Park既Beach Head崖邊，大風到衫尾好似英雄片既斗篷咁飄逸。
崖邊影相，我哋算係保守派。
咁隔涉都有架雪糕車，果然係遊客區~
唔少本地人帶埋愛犬嚟，但佢哋踎低係度搵乜呢?
自持對鞋係gortex料，澗水影海景之後，難耐踩水既衝動。
遠望既白色，原來近望係夾雜住黃色，領隊幸男影既pose照~
二人扮恩愛自拍照: 地標建築，白崖，石灘，海水，路人。
導遊介紹呢頭係唔少電影既取景，包括呢間屋仔。
光圈盡收，為倆母子拉近七姊妹崖作背景。
番上旅遊巴，直去火車站，不過導遊話可以早少少係海傍就落車，自行去火車站。一落車就見至漫天海鷗，唔怪得白禮頓隊波個徽章係藍色襯托白海鷗。
沿海邊行係舒服既，見到有獨自發呆放空，掃電話，結伴閒聊。
個嘉年華樂園起係海上，唔知係咪怕太大聲，所以起出啲呢？
被偷影自拍~幸男大個喇，處於摸索階段，唔好話家長，我諗連佢自己都唔知想點？
好多艇仔擺係度，似裝飾多過似出租。
好難相信可以就咁將舊零件放係沙灘上。
海邊有唔少後生既打藍球同沙灘排球。
晚餐地點交俾幸男，上網搵到呢呢間白禮頓球隊都會嚟幫襯既THE SALT ROOM。 Walk in都有位，待應為我哋接過外套，就帶我哋去坐低。
一人一份馬賽魚鮮湯，配芝士包。
Surf Board Royale for 2，包羅萬有:帶子，龍蝦，魷魚，虎蝦同海蝦，華麗~
Dry-aged, Grass fed Ribeye，有塊扒打底包夠飽。
上埋煲Shetland Mussel，就叫侍應幫我哋合照。
雖然就貴啲啲(£300.38)，但叫做有海鮮食嘛，大家都食得開懷就好了。
沿海邊行去車站，見餐廳既入座率唔高，台上唱歌既女士係食客定表演者？
無諗過會有咁大間機舖，對上果次見係法國羅浮宮附近既地下商埸。
PS:今朝領隊有偷影呢張青春期的反差萌。
