出旺角換TABLET

買咗2星期既GALAXY TAB S9突然用唔到快叉，於是打去舖頭問維修事宜，點知職員話直接換過部。無睇清楚新機係咪全新未開封，但見邊位既保護膠紙尚在。即場用自備既尿袋同叉電線試機，見W數有卅幾就安心了。

台灣女生今日出開旺角上堂，所以行住街等。見到呢隻火棒，又再諗起幸男細個對佢既厚愛。

行埋現時點都未夠鐘，去咗咖啡店坐住等。

我原本話同事有試過牛站，但人家揀咗呢間樓上鋪既火鍋店。

無生啤，唯有飲支裝藍妹。

人家話呢度有海鮮拼盆餐($788二人餐)，特別啲嘛。

另外仲有刺身作冷盤前菜，蟹肉餃亦算特別。

牛肉份量唔算多，當係重質不重量，只係無撐住個肚既感覺啫。

PS:少有地唔係紀念日都會出市區撐枱腳。

沙田出九龍?

屋企食食吓飯，電話收到HKeToll既短訊通知，明明全日係區內，今日仲要番早兼夜更。

打去客戶服務中心問，講明自己無去過該隧道兼自己既車種，職員話要摷番條短片睇吓個車牌。如果有人掛住我個車牌號碼既話，我要自己去報警。

其實易通行一直有誤認車牌收錯錢既個案報導，但現今社會係"大眾"利益為先，任何問題都係"個別事件"。

MACROSS FRONTIER

趁DISNEY +完約之前，卒之都睇埋MACROSS FRONTIER既最終話。當年第一次睇果陣都只係電腦芒上睇“低清網絡版”，而家係電視睇FHD兼配埋SOUNDBAR，絕對係升級享受。

故事大綱當然記得，但細節就真係重溫先至講得番出嚟。記得當初睇MACROSS FRONTIER時，被豐富既歌曲所吸引，撲出信和買CD。主角機VF-25 MESSIAH既超合金玩具，亦都係被收藏(初代及Renewal Ver)。

自少就喜歡機械設定重既動畫，可惜近年都無咩佳作，最近心動既作品係GUNDAM HATHAWAY。

PS:"射手座一號中彈"，爆炸軌跡呼應主角小隊名（射手座天文符號），加上女主角雪露既淚容，每次睇都係咁有feel。

河蟹版YF-21

今日食完早餐，卒之完成埋MACROSS PLUS既第四話，感覺怪怪地，好似爭咁啲。

被删去既畫面，有第二男主角Guld Goa Bowman與無人機Ghost X-9進行dogfight，以Hight Maneuver Mode力抗G Force加速時既爆眼及吐血場口。

河蟹版連機身承受唔起解放速度，過熱並燃燒既插畫都被抽去。

上網好辛苦至搵到呢張低清插圖，YF-21成功敵落X-9，飄浮係地球邊際既殘骸。

臨尾打大佬既YF-19主角亦有被删去戲份，例如以頭撼螢幕，以擺脫人工智能SHARON既全息圖誘騙。最後男女主角重逢既一幕，只係去到隔空相望。原片係YF-19以Gerwalk形態降落，IZAMU手搭Myung既香肩，一齊望向日出。

PS:如果當初佢哋兩兄弟一到埗地球時，無嘥晒啲彈藥，結局會否可以齊整收隊呢?

The Intern

 

今晚台灣女生有飯局，兩父子邊睇NETFLIX邊等外賣。睇到一半，索性set個陣係梳化邊睇邊食。

呢齣戲應該係租碟同人家睇過，見幸男之前自己係飛機睇<A MAN CALLED OTTO>，應該啱佢口味。

PS:細個好多時會從電影去窺探大人世界，希望可以憑電影去啟發年青人既想法。畢竟有啲道埋，電影既感染力，遠比父母既說教有力得多。