趁DISNEY +完約之前，卒之都睇埋MACROSS FRONTIER既最終話。當年第一次睇果陣都只係電腦芒上睇“低清網絡版”，而家係電視睇FHD兼配埋SOUNDBAR，絕對係升級享受。
故事大綱當然記得，但細節就真係重溫先至講得番出嚟。記得當初睇MACROSS FRONTIER時，被豐富既歌曲所吸引，撲出信和買CD。主角機VF-25 MESSIAH既超合金玩具，亦都係被收藏(初代及Renewal Ver)。
自少就喜歡機械設定重既動畫，可惜近年都無咩佳作，最近心動既作品係GUNDAM HATHAWAY。
PS:"射手座一號中彈"，爆炸軌跡呼應主角小隊名（射手座天文符號），加上女主角雪露既淚容，每次睇都係咁有feel。
