屯門食到厭，入元朗搵食

台灣女生鍾情打邊爐，今晚我提議去元朗世宙既熊本牛鍋(因為阿偉話試過ok)。人家欣然接受，收工直接搭西鐵去。冷氣就少少唔夠，個雞煲就好一般，鋒哥廚房好食啲，但最好味當然係以前既西川。

我哋揀咗澳洲和牛餐每位$280，如客人係社交平台打咭就可以有一份蒸海鮮(蝦、帶子、鮑魚同蟶子)，其他配料無咩特別。

10號波-樺加沙

屋企係朝早時段最當風，七點左右花園雜物被吹冧(水仙兜碎裂)，IKEA車仔砸到愛駒尾牌位。冒雨出去收拾及加強固定，11點鐘就係UBER約定車番工。打定輸數無司機會接，點知12點3個字就有回覆，於是取消飛的app既加價call。

見到呢一幕，我自覺"心、技、體"都被比下去。望真係後轆已卡住小樹枝，路面又有個膠袋，分分鐘可以派車......

番工無耐就轉8號波，帶咗尋晚既廚餘翻熱嚟食，奶茶就係一粥麵散買。

好在有神隊友買老麥外賣自取，加埋呢個6件裝麥樂雞，夠晒蛋白質頂肚~收工前個半鐘已轉3號波，安心回家。

PS:番到公司，與同事分享call車免加價，結果我都有係app俾多小小($50)錢以表揚司機。台灣女生話，我應該可以保得住5星評分。

米娜(3號波)下的星期六

係村口文記食完晏，番屋企拎背囊番工，見幸男玩緊GTA。詫異畫質咁差，原來隻game已12年前。

晏晝遲遲未公佈會否轉8號波，所以預早嗌定晚餐外賣，結果只係唔會掛高波。特意帶埋阿Bill回港探親送既禮物番上工作坊locker，方便裝外賣及escort用既散紙。

二人重遊舊店晉餐

台灣女生係北角落堂，所以約人家係尖沙咀既山ちゃん食晚餐，免得入得屯門太夜至有得食。

幸男小學時就久唔久係度食，升中就無咩空閒時間一家三口出嚟，記得好似疫情時期食過一兩次已爾。

餐牌選擇比以疫情前少咗，不過我哋都揀到啱食既嘢。

第二杯揀咗白州Highball，因為未試過白州既威士忌。好奇問店員貼牆既介紹有S同W唔同價，原來S係Single shot，W係Double shot(即係2倍濃)。細心諗又係喎，日文既W讀音同double相近。

幸男去練波，所以買外賣幻の手羽先俾佢當宵夜，順便預埋公司既夜班同事。

嚟緊阿wing要轉去另一工作團隊，無咩機會再為佢打點餐飲，所以借機聊表心意。

PS:疫情後兼移民潮下，係區內好難搵到有質數既宵夜......

大人之牛奶

見幸男話斟牛奶飲，我就答我都想好訓啲，結果我用大人之牛奶嚟同幸男舉杯。

近幾年生活及工作上，好多嘢都做唔切跟唔切，好攰。以前不時因質疑夢景而扎醒，而家多數會跟住荒誕既情景去行，有點似生活裡既妥恊。