10號波-樺加沙

屋企係朝早時段最當風，七點左右花園雜物被吹冧(水仙兜碎裂)，IKEA車仔砸到愛駒尾牌位。冒雨出去收拾及加強固定，11點鐘就係UBER約定車番工。打定輸數無司機會接，點知12點3個字就有回覆，於是取消飛的app既加價call。

見到呢一幕，我自覺"心、技、體"都被比下去。望真係後轆已卡住小樹枝，路面又有個膠袋，分分鐘可以派車......

番工無耐就轉8號波，帶咗尋晚既廚餘翻熱嚟食，奶茶就係一粥麵散買。

好在有神隊友買老麥外賣自取，加埋呢個6件裝麥樂雞，夠晒蛋白質頂肚~收工前個半鐘已轉3號波，安心回家。

PS:番到公司，與同事分享call車免加價，結果我都有係app俾多小小($50)錢以表揚司機。台灣女生話，我應該可以保得住5星評分。