TENBLANK

市中心會合趕收工既台灣女生，一齊搭的士入亞洲博覽館，第一站就係去買精品。途經大型backdrop，搵到排隊區外既角位，可以即時自拍打咭。

一開場，佐藤健連唱3首GLASS HEART既歌曲，就要唞唞，進入fans亙動時間。原本以為會開始悶場，點知有SOKOさん(和泉素行)擔任翻譯兼司儀，令現場氣氛頓變輕鬆搞笑。即場學會既日腔"開唔開心?"，足已令港女fans甜在心~

無得帶相機入場，Flip7當然力有不逮，唯有影舞台上既大螢幕。另外，大會將掛滿fans心意咭(大型backdrop影相區附近擺放)既聖誕樹放係台上，俾佐藤健揀嚟讀出。

藤谷直季活現眼前，佐藤健邊彈邊唱<GLASS HEART>。唯一可惜既係劇中既志尊淳，宮崎優同町田啟太未能隨隊同場演出。話雖如此，大會有播出三人既預錄短片，向fans打招呼。

臨尾播出劇中神社繪馬一幕，但換上"神啊!謝謝你讓我遇見了歌迷"既繁體字。

兩個鐘既聚會完滿結束，為兩位女影歌迷打多張咭~女fans眾多，會場廁所全變為女廁。殘廁變咗男性專用，應該會有女fans會望到尿兜實物......

開場前我哋係展館附近搵到間精緻中菜-澐。餐牌有唔少菜式都要預訂，係海鮮系揀既呢味白雪尋龍好好味，貴啲都值得食!龍蝦肉既鮮味同蛋白好夾，上面既脆炸銀魚仔非常提味。

紅燒牛肋骨肉，無諗到咁大份，幸男應該都啱食。

人家話要原隻鮑魚撈魚。

金牌釀焗蟹蓋，對上一次係食，係疫情時去朗廷staycation。只記得唐閣既蟹肉料少啲，味道就記唔到好唔好得過今次。

見近門口位有吧枱，一心以為有得嗌cocktail，但結果係無bartender.....唯有點咗杯飯後香檳，人家就揀咗sparking tea。

擺酒18週年

紀念日子，照舊用愛駒去相熟花店，領取婚後第十八個接新娘花球。是日閒日，未能為台灣女生係日光下影相，唯布淨影住紮花先。

晚餐係人家預訂既Hyatt HUGO用餐，之前同過老媽大佬同阿嫂去隔離食過自助餐。餐廳燈光非常昏暗，呢張flip 7相zoom到盡兼勁高iso至影到。

自拍係外屏補光之下，總算無鬆郁朦。

有備而來，為既係5 Course Classic Set Dinner七折優惠。2位都跟wine pairing，侍仔同我哋講wine pairing係無折扣，當然無問題喇。

頭盤係生蠔兩隻，但已經配上香檳作開場。

好在我有帶A7 III配大光圈35mm鏡，順利於低光下為繪影人像照。

法式焗田螺，人家話燈光暗到睇唔真至有勇氣放入口。大光圈下既手動對焦，要數次至滿意。

現場即制忌廉白蘭地龍蝦湯，除咗有火舌搶眼之外，味道亦夠濃厚(如果多舊龍蝦肉就好了)。

主食係法式黑胡椒牛柳，配酒當然係紅酒。雖然唔係和牛或DRY AGE級別，但調味及火候搭救足以完勝普通西餐店。

甜品有Wedding Anniversary牌仔，有燭火作補光，點可以唔打個靚咭?

自拍無專業模式，但求方便紀錄。

我揀既甜品係法式芝士拼盤，起初仲怕個餐較細份，但去到甜品環節已夠飽。

餐牌以外既甜品Chocolate Bonbon，乾冰冷鎮既手工夾心朱古力。食唔出奶白既內餡係咩食材，但就堅好好味。

邊諗到甜品都有20%既甜酒配丫(vintage 1969 Mas Amiel同Graham’s 20 Year Tawny Port)?除咗頭一兩杯，其他都由我代飲一半。去到配甜品個杯太甜膩了，我都未能完成清杯。不勝酒力之下，Call Uber的士回府，話晒聽日大家都要番工。

2轆E人

騎愛駒入元朗，上老闆娘舖頭放低盒超合金SHINKALION，怕再食牛肉乾，所以泊係遠少少既骨位。見有間咖啡店外有戶外櫈位對正泊位，所以去買咗杯嚟試吓。

一個中年男騎士(復古羊)等骨位時向我發牢騷，話正話差啲俾個46司機撞低，結果同佢傾電單車經傾咗三個字有多，傾到吉位出現。該位車友以為我都係等緊吉位，我回答佢我只係等夠鐘去攞外賣番屋企~

同電單車友交流後，校啱時間就撻車兜去"再來一煲"等攞外賣自取。自從屯門店既不快，我就轉咗係呢度買外賣，下次去荃灣既一品都好喎。

26車主必入扭蛋

 今晚放工攞車時，拎出占兄今日係更衣室交收俾我既電單車把手，用嚟拍惡搞video。特意著TMAX錶板，再配上有別平時既俾油聲(扭動扭蛋既把手)~

扭蛋有4種顏色，好在無中到黑色制果款。

PS:扭動油筒時既發聲，令我諗起仮面ライダーW裡面ACCEL既變身腰帶~

SHINKALION超合金魂

今晚著手將陳列係客廳兩日既GX-115變型，列車型態既真實還完度好高，最正係原廠配埋個月台，方便展示兩段既車頭同車尾。

說明書係我對玩具既執著，細個砌模型或玩變形玩具，都係伴隨印刷精美既說明書。除咗儀式感，更係可以完全脫離電子產品，心腦都投入深愛既機體角色。

當初官方宣傳時已知變形偏複雜，變個上半身已經大半個鐘，但細緻度相當精彩。

再多大半個鐘就完成下半身，可惜後裙甲中sad.....

本身後裙甲既固定接位都幾薄吓.....

機械人型態除咗比動畫既四肢幼少少之外，比例同細節都非常稱職。聽日whatsapp老闆娘，睇吓點搵代理跟進。

交收當日放唔入seat位下既收納倉，好在帶定個袋方便綁係後座，睇嚟都要原方法送番去元朗。

盒面走成熟格調風，完全睇唔出以往兒童向既玩具包裝味道。

雖然我無追晒成套新幹線戰士，但買呢架超合金魂亦包含我陪伴幸男買玩具既回憶。

中學書友聚餐

好耐無試過咁人齊同中學書友聚餐，難得大家可以就到非officer hour工作既我，收工趕到寒舍。

中學回憶一定有旅行bbq，今晚就係花園一齊享用碳爐網燒bbq。有呢張枱比傳統bbq爐方便，唔洗用咁多碳，兼有大家可以有足夠既枱面放嘢食同飲品。尾段有用電話視像搵Oscar，可惜唔記得一齊合照。

今日特意補鐘早放一個鐘，先兜去藍地惠康買嘢。番屋企放低愛駒，再搭巴士出市中心taste(買薩摩牛西冷同三色椒)同donki買主力食材。

PS:好日都唔拉車，今日就臨落車至發覺卡住咗，結果要遲咗一個站至成功落車。另外，多謝台灣女生放工到市中心，幫手買嘢兼俾意見，仲有食材調味。

FLIP 7手動照

今晚番老家黐餐，番屋企時係天橋見到橙黃色既月光，忍唔住用手動模式調出心水照。

5.4mm, f1.8, 1/125秒, EXP-2，可惜就得月色就無法顧及街道。如果有腳架，快門set慢啲唔知會唔會好啲?

GEOX番工鞋

尋日SOGO買既新番工鞋，比上次果對貴啲，店員話係最top既系列，鞋墊上既字樣由“ITALIAN  PATENT”變成“MADE IN ITALY”。

舊果對著咗3年，鞋型已走哂樣，腳痛同踭位不適，真係無得唔換。

PS:每日都著9個鐘，番工鞋係值得投資。