SLEEPING

番完夜,訓咗兩個鐘左右就起身,因為約咗德輝,IVAN同賢仔去新墟凱都睇"復仇者聯盟".11:45場,近乎滿場咁滯.例牌情節,大敵當前,各英雄各持己見,一盤散沙,最後團結一致,同仇敵氣.IRON MAN既風趣,絶對令觀眾開心,相反THRON既兄弟情就令人覺得婆媽.最後既大混戰有啲似TRANSFORMER最後係鬧市個幕咁.整體黎講,都係好睇,特技同卡士都值得入場.

睇完戲,騎羊番屋企訓多個零鐘,搭輕鐵去外母屋企湊番幸男.特意係鐵閘外望吓佢做緊MUG,點知俾幸男發現我既存在....

幸男嘴都未抺淨,就行埋黎向我打量,好似係被獨留家中既小朋友期待家人番黎既樣子......

接幸男之前,先去良景間CHEAPY攞訂購既"潛行凶間"藍光碟,呢隻係我人生中第一隻買既藍光碟.係戲院睇個陣,已被其破格既意念吸引,尤如當年既MATRIX,所以買番隻碟黎收藏,搵日可以安在家中,以PHILIP既SOUNDBAR再重溫一吓.

P

今日番晏,但比平時早少少騎羊出門,因為要去新墟凱都買"復仇者聯盟"既飛".五張飛都係$225,俾完錢仲以為買漏咗飛,睇番至知係$45一張,超抵~ 

台灣女生晏晝係屋企收風扇,但一時興起自己砌,結果打電話俾我話唔識搞罩位個安全制.靈機一觸,記起PANTRY裡既風扇都係PANASONIC兼有舊白色膠扣,於是入去睇吓點安裝.拆咗出黎又安唔番,ivan同阿良都有幫手,結果半個鐘至搞得掂......

前後都影咗clinic photo,好讓自己番到屋企有得對住黎整.

番到屋企,對住張相黎整,都要十多分鐘至搞好,因為要諗番轉頭,點樣扣入個外殼先.幸好都搞定,如果唔係無面見人家(因為我話過佢"唔識搞就咪搞啦".......)

現代版隔山買牛

以前同屋企人商量買咩時,只係電話口述,大概形容吓,有啲隔山買牛既感覺.科技進步,大家用部智能手機上網,以WHATS APP就可以好客觀咁話俾人知你所指既係咩東東,今日我就係以呢個方法向安在家中既台灣女生傳意,一齊揀雪糕.

本來人家話食阿波羅既三文治雪糕,但經我傳出既照片,人家記起左下方一盒六個既迷你雪糕筒記好食,兼且我推介賣剩一盒於左上方既milk金時雪條,人家就決定要milk金時同迷你雪糕筒,放棄原先既阿波羅雪糕三文治.

PS:夏天又係食雪糕既時份~

幸男被整蠱

平時幸男一向鍾意攬住鬆弛熊公仔,今晚外母將梳化上既鬆弛熊,綁住係幸男既背脊,幸男無嬲之餘,仲係客廳裡四圍走.造型上,似係阿媽用孭帶孭住個仔咁...

人家邊笑邊同幸男影相,仲俾番幸男睇番添,好似電玩或COSPLAY展裡,龍友俾番個MODEL姐姐妹妹睇番咁.....

放假的我

今日見好太陽,拆咗幸男房同客廳既窗簾布出黎洗,幸男見我係花園忙,又走埋出黎趁高興.食完晏晝飯既幸男,成個胃腩突晒出黎.

晏晝個餐係村口花炮會食中式牛柳飯(少飯),而家茶餐廳都少有得叫黎食,公司CANTEEN直頭係無.以前公司CANTEEN仲係大家樂嗰陣,我好多時晚飯食呢味.

食完飯,番到屋企都係忙住晾窗簾布,務求夜晚可以掛番上架嘛~

夜晚老豆話無飯開,於是用BB車帶幸男搭輕鐵去市中心明星同老豆食飯,咁啱台灣女生係九龍上完堂搭巴士番入屯門,結果叫定餸,等埋一齊食.老豆有得睇孫仔,兼有家嫂陪一齊食飯,當然開心.埋單後,一齊搭的士,老豆先落車攞番架單車番屋企.

PS:係中央圖書館行去柏麗商場既明星,唔記得要上樓梯至入到商場,唯有抬住部載有幸男既BB車上樓梯(如果唔係就要係大會堂搭電梯落地面,行去柏麗)見到有個滿頭白髮既六十多歲既伯伯都係要抬BB車,於是我一口氣抬咗我個架上去先,再去樓梯中間幫個位爺爺定公公抬載有孫仔既BB車.雖然圖書館對開都有人來來回回,但都無人伸出援手,香港地確實有點冷漠.......

幸男發燒

本來今日係同台灣女生帶幸男入錦繡花園BBQ,但幸男訓完個晏覺就發燒39.X度,要貼退熱貼同食PANADOL,係咁喊扭計,唯有帶佢出去行吓. 

係德輝阿姨間士多坐底,心血來潮想食雪糕,但無錢係身,結果我行番屋企攞錢出黎至買兩個雲尼拿味雪糕杯食.見幸男發燒,於是請佢食埋一份.起初唔肯食,但見我都食先,幸男就張開口試食,食過就唔停.... 

執好晒嘢,點知會無咳無流鼻水都會發燒,唯有打電話通知主人家去唔到....

衫都揀好埋,仲諗住可以同PERCY個仔(子靖)一齊影相添....晚飯無著落,打電話俾老豆報名,.夜晚番咗老豆屋黐餐,老媽見到孫仔當然開心.希望幸男快啲好番啦,爸爸媽媽都擔心你丫~~

出新界東買餸

今日月同台灣女生一齊放假,本來諗住死守家中,但結果都係出咗市中心MOS BURGER食晏,再出去沙田行吓.男"謀"住人家既牛奶布丁,人家都餵咗一半俾幸男食.

巴士上咗公路無幾耐,幸男就訓著,因為咁啱係平時既小睡時間.抱住幸男,自己就無得訓,怕會甩手嘛.目標為本,我哋主攻CITY SUPER同,一田超市同BB部.人流都多,但總算行到,如果推BB車就唔可以了....五點左右就去巴士站搭車.好多人由巴士站行去商場,我哋成功避過人潮高峰.

番到屋企六點幾,幫幸男沖埋涼,餵埋晚飯,我同人家就八點半至開餐,但有生蠔食,遠啲買餸都值得.

其實因為吉之島超市裝修,無牛扒賣,打亂咗我哋既休閒西式晚餐(牛扒+沙律+三文魚剌身),至要出去沙田買牛扒,兼行吓街.感覺好似行緊擴充版既屯門市中心,可能係我哋只係行咗一好少地方既關係.

做父母都幾有壓力,唔帶小朋友出街會俾其他家長話"咁唔得架喎,出咁少街,小朋友會好悶",今日都叫做帶過出街,仲買咗件雨褸俾幸男,應該都合格卦.....

1歲半生日

今日係幸男既一歲半生日,台灣女生特意買咗個蛋糕黎慶祝.其實之前半歲生日都有買蛋糕,變相好似每年既半歲都會買個蛋糕同幸男慶祝,正日係一家人share一個蛋糕嘛....

蛋糕名為"緊張小豬",幸男當然唔緊張,只係對蛋糕好奇.希望幸男健健康康,快高長大,做個幸福男孩~