補鐘

見作感冒，趁今日入格，補鐘早啲番屋企抖，話晒聽日就PAN。做得份內事但無乜時間領帶準新同事，虧欠感驅使下，用自己飯鐘嚟作1對1互動，收工至自己騎愛駒去紅橋食麻甩一人餐。以前自己都係被前輩們啟發兼提點，一齊食飯時作提問及研討。

PS:攞車時巧遇以前既DREAM SCOOTER-BURGMAN 650，當年無諗過自己會有TMAX作終極豪華跑羊~

影音升級

用咗幾年既sony碟機開始讀唔到碟，所以托溫生訂購呢部Panasonic UB 9000既高階碟機。

原本只係想順便升級，但SONY得4年前model，故轉會Panasonic。升一級既THX認證，DOBLY VISION/HDR10+及AC/DC轉換電路，價位就要翻近3倍。

碟機講到咁好，襯哂條SENNHEISER高端sound bar，咁無理由追埋個新sub woofer，於是夾埋今日送貨。

新舊對比，8吋對6吋，高咗一截。舊既velodyne，係當初大佬送出既舊sub仔，記得當年睇鄧寇克大行動時，velodyne震到行前咗半個身位。

Velodyne係用Y cable駁，但今次既SENNHEISER就係MONO。問過大佬，淨插其中一條都得。安頓好晒新裝置，再要calibrate過sound bar(配新sub仔)。

PS:坐底臨嗌午餐至收到送機電話，於是騎羊番屋企。第二次食晏就食咗一兩啖就收到HKTV mall送貨電話，結果要轉外賣拎番屋企食……

騎士用品作惠勞

之前託台灣女生搵既代購，卒之到順豐智能櫃。傍晚騎羊去攞野俾嘉耀時順便去收件。YAMAHA用品一袋過包住，呢條浴巾夠晒表忠，個TMAX萬字夾就夠晒玩味~

其實最緊要既係呢個腰包，因為舊底係LOG-ON買既腰包太殘。不過呢個腰包真係唔及舊果個，無任何間格可言，試過FLIP5+鎖匙+紙巾，已經係極限....

上午同老媽一齊去老院帶老豆出市中心搞銀行戶口，CALL輪椅的士上落，推住輪椅係市中心游走都幾唔方便。開完戶口就去咗名點屋攞位，叫埋幸男係婆婆屋企出發嚟飲茶。來回既的士錢與老院陪診相若(未計心力)，睇黎日後既覆診都係交俾陪診就好了。

PS:同場應對倆老，確實好傷神又勞心……連幸男都體會到壓迫感。

安定友愛社區中心

對上一次黎都應該係預科年代做義工，忍唔住要用Flip5影低數碼影像，想當年仲要用菲林。

電梯上一樓，已經唔記得當年既視點，間隔亦變得陌生。

先係登記處交待來意，跟住就係梳化坐低等待引見。

久違了既報紙雜誌架，以往CAFE都會有雜誌，隨住數碼版興起兼疫情既來襲， 一切都變得概熟識又陌生。聽到社工叫名，入房聽取申請流程。

辛苦人家為老爺既院舍奔波及打點文件，係愛定商場搵間中餐惠勞吓。

食開既海港個餐牌無咩點變，所以今次去咗八方庭。

話明惠勞宴，叫咗雞煲翅，可負擔既奢侈~嘢食都OK，係侍應差啲，下次都可以就幸男補完習黎食。

PS:人家約我係兆安苑隧道等埋佢一齊行去社區中心，內飾與之前唔同。感觸，但忘不了這社區既回憶。

蘇拉8-9-10

今日番晏，出門時已經話八號風球，雖然話有津貼，但我情願係屋企睇住間屋。怕電力受影響，預先叉滿定ecoflow行動電池及其他尿袋俾兩母子。

同事們都預咗打風無外賣，晚餐翻熱台灣女生今早準備一式兩份既肉餅飯盒(另一份係聽日既午餐)。工作流程尚可，只係放工前一個鐘，部份設施不敵十號風勢，要緊急call維修部作處理。

收工落更衣室沖涼，順便係7仔買零食做宵夜，呢款芝士粟米條又幾好食喎。由於無車番屋企，所以今晚要係公司留宿。Flip 5配ZE3000嚟睇韓劇<<模範的士2>>，一邊享用宵夜組合。半坐半捱咁訓，但求夠餘力應付明早既工作。

PS:下午已同鄰居交待自己未能在家駐守，並拜託緊急支援，希望屋企一齊安好。