之前託台灣女生搵既代購，卒之到順豐智能櫃。傍晚騎羊去攞野俾嘉耀時順便去收件。YAMAHA用品一袋過包住，呢條浴巾夠晒表忠，個TMAX萬字夾就夠晒玩味~其實最緊要既係呢個腰包，因為舊底係LOG-ON買既腰包太殘。不過呢個腰包真係唔及舊果個，無任何間格可言，試過FLIP5+鎖匙+紙巾，已經係極限....上午同老媽一齊去老院帶老豆出市中心搞銀行戶口，CALL輪椅的士上落，推住輪椅係市中心游走都幾唔方便。開完戶口就去咗名點屋攞位，叫埋幸男係婆婆屋企出發嚟飲茶。來回既的士錢與老院陪診相若(未計心力)，睇黎日後既覆診都係交俾陪診就好了。
PS:同場應對倆老，確實好傷神又勞心……連幸男都體會到壓迫感。
