今日番晏，出門時已經話八號風球，雖然話有津貼，但我情願係屋企睇住間屋。怕電力受影響，預先叉滿定ecoflow行動電池及其他尿袋俾兩母子。
同事們都預咗打風無外賣，晚餐翻熱台灣女生今早準備一式兩份既肉餅飯盒(另一份係聽日既午餐)。工作流程尚可，只係放工前一個鐘，部份設施不敵十號風勢，要緊急call維修部作處理。
收工落更衣室沖涼，順便係7仔買零食做宵夜，呢款芝士粟米條又幾好食喎。由於無車番屋企，所以今晚要係公司留宿。Flip 5配ZE3000嚟睇韓劇<<模範的士2>>，一邊享用宵夜組合。半坐半捱咁訓，但求夠餘力應付明早既工作。
PS:下午已同鄰居交待自己未能在家駐守，並拜託緊急支援，希望屋企一齊安好。
