上門維修

廿三號晚見用咗三個月未夠既電視左邊有條兩吋闊既黑Bar出現,就算係AV台都係咁,應該係個PANNEL有事............適逄聖誕假期,最快都只能約今日28號至有師傅上門睇.

當出門口接師傅時,驚見兩部線羊仔,咁你哋又點抬走我部機呢?MUG唔係應該係架貨VAN咩??

師傅話佢哋係黎係CHECK吓壞咩先,逗部機落黎,又拆螺絲,又拆部件,再番正個芒,好似CHECK電腦咁睇SETUP同DATA,點知條黑BAR位遮住...師傅用埋自己本筆記天書,成功以MIRRIOR MODE黎將畫面顯示左右掉轉,巧妙咁避過黑位黎睇數據.好始好順利咁,但結果都係要拎入廠搞,話要等維修部確認有零件,運輸部就會打俾我約時間上門收機.........

唯有等消息到真係收機回廠,就入書房睇番舊個部日立先,電視節目就用舊機頂盒同HARDDISK黎錄~

MISSION IMPOSSIBLE 4

今日番完早更,去新墟巴倫紐會合台灣女生睇MI4.好多同事睇咗都話好睇,連唔多睇戲既朋友都話緊張,但睇咗咁多集兼動作片既我就覺得,只係無咁多冷場,多咗幽默位.聖誕節無咩外出節目,湊住幸男較困身,雖然話帶小朋友出多啲街係好,但真係有心無力.........

睇完戲,同人家去市中心買牛扒屋企著晚餐,聖誕節就咁平平淡淡咁過.

聖域重現

差唔多十年前開以儲既聖衣神話超合金十二個黃金聖闘士,已經比細個買既肥仔超合金精細,成件甲套入隻手同腳,唔係只包住三面兼靠一個接合位固定.
細個個陣無錢買,老媽只係帶阿哥出深水埗玩具店買,但黃道十二宫太HIT,一係無貨,一係炒價,所以只係買咗個神闘士(八腳馬)番黎俾我...之係都係係置樂買台版既青銅新生聖衣既冰河.就算2001年個陣出復刻版,我都係買唔番射手座,得十一隻...

感冒纏身,病到諗埋一邊,相信砌番個聖域就會快啲好番.......五年前(2007)年頭同台灣女生搬出黎個陣至有個大既DISPLAY櫃,擺放儲齊但又無位砌既十二黃金聖闘士,大家前後排排企.

事隔五年,係自己既新居裡,聖域以黃道十二星座展示.搬屋時將所有聖衣拆除,入番原裝盒黎PACK箱,逐個砌固然花時間,但無諗到排個陣都花時間,跟次序又唔可行(因大細不一),結果將最高大又雅位既放最後排,扁平既放最前,窄身既放放邊位,其他既就放中間,結果又幾滿意~

PS:儲緊既聖衣神話EX更靚(人樣更接近動畫設定,線條更修長,手工更DETAIL,活動能力更大),諗住儲齊就以十二黃金聖闘士造型展示.

飢荒

尋晚湊幸男,夜晚個餐都係求其係屋企食啲嘢就算.見外母黎幫手湊幸男,自己又放假,於是的起心肝去抺車打腊,結果係未打腊就已經超肚餓......
一心諗住踩單車去村口相熟茶餐廳食個晏仔,就番屋企打腊,點知出到去至知是日休息......萬念俱灰,打算番屋企食杯麵之際,飯意諗起藍地有茶餐廳,結果係咁俾餅踩去藍地,見有單車泊係一間食店前,就站即收車,衝入去叫嘢食.
味道一般,略嫌牛柳多根位,咬唔入...............食飽踩單車回程時至覺得有啲攰,原來一個直路輕鐵站都唔係近.....番到屋企就開始上腊,開開心心咁打理愛羊.自搬黎新居以黎,都只係第二次同愛羊打腊.

聖誕氣氛

聖誕將至,基於忙於湊幸男同番工,都無咩點出去行吓,屋企亦無聖誕樹及燈飾佈置,因為怕幸男會動手破壞.行開吉之島,見有棵大聖誕樹,於是叫台灣女生同幸男一齊影張相.

有小朋友真係好大轉變,生活模式都係"BB先決",再唔係以前咁自在,訓就訓,食就食,行街就行街,近近哋就騎羊四圍去,叫朋友黎搞大食會.....希望下年聖誕,幸男會定啲,屋企可以佈置吓~

一日睇兩齣戲

今日番完早更就急急騎羊番屋企,因為要趕睇租番黎既"通天奇兵"DVD.以前細個係亞視跟老豆睇通天奇兵電視劇,印象係水牛做阿頭,帶隊做任務,霹靂仔夠瀟洒,黑人鈍胎大隻佬但怕搭飛機,喪榮既印象好濛糊......

事隔多年既電影版,角色設定無變(演員當然有變),故事話主角們A Team因為一次任務被誤判為軍事罪犯而入獄,但由CIA既恊肋下逃獄,為洗污名,查出真相,揪出幕後首腦.笑料同

動作元素都平均,無冷場文戲.睇完至記走喪榮係負責渣飛機,名字由來係行事瘋癲大膽.唔知係隻碟既問題定係開得唔夠大聲,SOUND BAR既5.1前後聲表現....

傍晚騎羊去還碟,再租隻BLUE RAY來佬奇綠同台灣女生係晚飯後睇. 人家最愛既愛情小品,故事講l中年男主角係超市既最佳員工,但係經濟不境下,以無學仕教育為由慘被裁員.失婚兼失業既男主角,係賣二手雜貨既鄰居買下一部慳油既綿羊代步,邊係餐廳做兼職,邊番大學上堂,自我增值.係大學笑料百出,意外地因為電單車而與同學混熟,更戀上婚姻亮紅燈既女主角.


睇完都有啲感慨,當我四十歲中年時,會否一樣面對裁員,自己又能否繼續勝任現職呢?如果到時,仲有啲後生既朋友"侵"埋一齊出去玩,應該都會幾開心,起碼唔係俾人嫌棄老餅,麻煩....剛畢業時,一次番夜班,一位中年前輩黎"賣豬"幫手,主場既年輕IN CHARGE有啲不滿前輩既表現,但話晒人哋唔係度做開,無咩熟手都係人知常情.當前輩休息時間後,番黎繼續幫手時,驚訝我己搞好手尾同常規工作,我只答道"暫時搞掂,坐吓先,陣間有嘢再一齊做".可能有人會覺得尊重別人或前輩係過時,但自己都總有一日不再年輕,如果前輩唔係恃老賣老,多一點尊重或幫忙及包容又何妨呢?

主題外影

第一次有目的咁去外影,平時都係屋企影吓生活照,或者出街食飯或去飲宴.地點係元朗公園,主題係畢業生(教練同OSCAR).

感覺好唔同,平時SNAP SHOT一切隨心,有主題下,MODEL會問番你點影好?你想我點配合?平時真係唔會聽到咁既問題,兼無考慮要獵取甚麼風格或構圖既相.

就睇吓THOMAS,好似一早心中有晒盤算要點影咁,有樓梯就坐係度,低炒上去.....有板有眼咁,唔似係第一次外影人像~

貴為"初心者",今日當然係跟OSCAR既家姐同細佬黎趁熱鬧,而絶非一人擔大旗,拍心口黎影,因為OSCAR既表妹都係黎影畢業袍相.單睇架生就知係玩開,反光板都有,個個都孭大機.我只係用SOMY NEX-3配KIT鏡黎試吓.

跳高,拋帽,呢啲簡單動作都有諗到,但其他好似係闊路三人裝作邊行邊亙相傾計,依靠樹叉位...........我就真係一舊飯咁跟住黎影......

攝影期間見到有個阿叔用把粉紅色遮黎晒太陽,感覺怪得黎又搞笑.

有時真係抵啲婚紗攝影公司搵錢,俾你拎住部機都未必影到佢哋既相,捕捉到美既一面.影相係有少少興趣,但要投放太多銀両去啲架生,真係有啲唔捨得,而且要帶住咁多嘢都真係煩煩哋,無反機既輕便確實啱我既STYLE多啲,唯有寄望NEX系會有多啲鏡同ACCESSORY配件,或黎緊既MODEL有多啲功能.

入廠

今日台灣女生陪我去博愛醫院,因為今日要做個小手術,話就話係部局麻醉,但其實都有少少擔心.計落粒OUTGROWTH都有十年,STUDENT時已開始發現初起,不以為然.到近年見愈黎愈大,睇職員診所又只係話CONSERVATIVE,可能係靜脈曲張.....

十一點鐘到達,登記完就入病房.著好大會供應衫褲,等食台灣女生係CANTEEN買既外賣午餐上黎一齊食,做個好病人,跟住就等入手術室.十一點半入院,三點唔夠就出院.

為咗慶祝手順成功,人家特意為我準備住家打邊爐.第一次入手術室,都有啲驚,最痛都係打局部麻醉針,割個吓都無咩痛,其次痛位係勾針縫口個吓.希望傷口可以快啲痊癒,自己可以重投家居繁務.

跟後生仔女食飯

今晚有外母睇住幸男,如期係屋企食波仔飯或KFC,不如出去同班後生仔一齊食飯,兼啤啤佢~

新墟大排檔餐,碟碟惹味,係碟金銀蛋時菜清啲.邊飲邊食,邊胡扯,眼見雄仔佢吔咁好傾,同期出身兼一齊拍過番工係唔同啲.以前一齊番工,而家大家都係唔同既工作環境,但係一個電話,大家又聚埋一齊有講有笑.

PS:大家都盛讚Furstenberg生啤,四十蚊杯500CC,都算抵飲丫~

有朋自遠方來

今日阿潘同KAREN去濕地公園,順道早少少黎探吓我,等我可以有機會抱吓世姪女.

阿潘渣車,帶埋展諾同妹妹一齊黎,話就話有工人跟尾,換轉係我都未必夠勇氣去咁遠探朋友.....幸男對展諾好熱情,行埋去撘晒背,低炒咁望上去打招呼,怕醜既展諾叫"唔好".

一屋都小朋友,展諾四圍走,見到新奇事物就去玩,幸男又四圍趴,有時又襯埋展諾一齊玩,真係顧得呢個又顧唔到果個.我同阿潘講佢為我打咗支強心針,唔會再生第二個.....

幸男都無呷醋,仲主動走埋黎同BB女握手,聽番外母講,話我同阿潘出去花園傾計時,幸男己經向小妹妹埋手.可惜今日係番晏,如果唔係就可以帶埋男一齊去濕地公園玩,影吓相~

PS:外母一見到阿潘個工人用"沙啷"布黎孭BB女,就用印尼話相認同鄉,阿潘有啲愕然佢地用"密碼"溝通,我就冷淡地答"係呀,印尼華穚....."

擺酒四週年

每年既今日,都會送番當年接新娘既花球俾台灣女生,無咩特別節目,台灣女生只係屋企煮個簡單住家飯,計埋外母,三大一小~

中午騎羊出去花店攞花球,番到屋企就踩單車出村口食晏.食飽飽,諗住嘆埋杯凍啡之際,飛利浦話送貨,搞到要踩屋企收貨,再踩番出去飲埋杯嘢兼埋單.等埋個師傅黎裝機,兼收埋部吸塵機,就搭巴士出去黃金換KEYBOARD(左邊SHIFT制唔太回彈).換完再搭番58X入屯門市中心會合買緊餸既台灣女生,見落雨就一齊搭的士番屋企....

幸男對IVAN送既雞仔嘜羊毛衫非常好奇,好似真係識睇衣物標籤咁.....

晚飯後再試晏晝送黎既PHILIPS SOUND BAR, 唔太試得出5.1,唔知係咪手機既5.1CHANNEL試片唔夠好,定係SETTING問題,於是自行再設定.發覺上門安裝既技術員,根本無客觀咁將我屋企既切實環境輸入,例如:機身與座位及離地既距離......其實個機都有少少貴,但咁啱佢可以播BLUE RAY碟兼以可搵日播隻西片DVD黎試吓個5.1效果先~

那些年

番完早更,同台灣女生一齊睇城中熱話"那些年"感覺無大眾咁大回響,.戲中男主角同配角們中學時代既趣事,唔知點解有不少係講"打手槍"自慰",即使青春期係有呢一樣事情,但是否用得太多著墨?


PUPPY LOVE,大家都會為對方做出好多改變,因為大家都無仔細考慮對方是否合適自己,甚至連自己都未了解清楚....因心智唔成熟而分手,結婚對象唔係一生最難忘既所愛,其實都係老生常談.

睇完戲,騎羊同台灣女生去咗洪水橋既德國餐廳食晚飯,當要有飲番杯德國啤啦~

台灣女生見我飲啤酒,自己都著力係MENU裡揀緊飲啲咩好.順帶一提,人家起初叫我泊埋部車入去停車場,好在無咁做,只係泊係門口行人路邊.因為每部泊入餐廳車場既車要收$30代客泊車..................

德國豬手,當然係必食既主菜,人家都話好食~

焗帶子鮮蝦配薯餅,原來個個薯餅係一條條壓埋一塊黎煎,一切或一叉就會散開.

成一舊水既芝士幼豬肉腸,味道真係唔錯~食飽飽就埋單去門口攞車,但發覺有狗隻係我個布冚腳痾尿,要用濕紙巾黎抺............唔通唔俾$30代客泊車,就係咁既下場?

是日工作心聲

ENGLISHMAN IN NEW YORK   by  STING

I don't drink coffee I take tea my dear
I like my toast done on the side
And you can hear it in my accent when I talk
I'm an Englishman in New York

See me walking down Fifth Avenue
A walking cane here at my side
I take it everywhere I walk
I'm an Englishman in New York

I'm an alien, I'm a legal alien
I'm an Englishman in New York
I'm an alien, I'm a legal alien
I'm an Englishman in New York

If "manners maketh man" as someone said
Then he's the hero of the day
It takes a man to suffer ignorance and smile
Be yourself no matter what they say

I'm an alien, I'm a legal alien
I'm an Englishman in New York
I'm an alien, I'm a legal alien
I'm an Englishman in New York

Modesty, propriety can lead to notoriety
You could end up as the only one
Gentleness, sobriety are rare in this society
At night a candle's brighter than the sun

Takes more than combat gear to make a man
Takes more than license for a gun
Confront your enemies, avoid them when you can
A gentleman will walk but never run

If "manners maketh man" as someone said
Then he's the hero of the day
It takes a man to suffer ignorance and smile
Be yourself no matter what they say

I'm an alien, I'm a legal alien
I'm an Englishman in New York
I'm an alien, I'm a legal alien
I'm an Englishman in New York

ARC-KEYBOARD+MOUSE

我人生第一個mini keyboard咁就用咗近十年,最近見有幾粒制無咩反應,於是託楝哥係黃金望過吓啲無線既組合,結果係強差人意.平霸仿mac款,但mouse只係得中間位(無區域顯示)可以感應scroll指令,一齊靠肓摸,keyboard得個款,"a"字打10中6.

趁仲係七日內,同楝哥一齊出去補錢揀過好啲既型號,點知哥仔一吓就話唔可以,當我哋同佢理論,話當初個售貨員話個mouse同mac款一樣,令人誤以為成塊手指位面板都可以感應.哥仔答無可能,佢哋唔會有人話係一模一樣,仲叫我哋指出邊個咁講,如果個個買咗試完都話唔滿意要換model,咁佢地好難做,其實隻仿mac款都好好賣........補錢買貴啲嘢都唔得?其他舖都係咁換架啦...結果話今次係extra既,可以揀過貴啲既款,唔明點解硬係要擺款黎留難客人....

其實之前都有上網做定功課,最啱心水同budget都係microsoft既arc系keyboard同mouse,埋單要七舊,番屋企試過就知一分錢一分貨,keyboard輸入全中兼細聲.Mouse唔再係紅外線,要對正個receiver,點拉點拖都無窒無甩拖,超順暢!

新舊交接,影番張相先,舊keyboard同mouse同我共渡唔少paper同上網既時光......salute!

草食男

幸男六點幾就食晩飯,跟住七點左右就坐係HIGH CHAIR度陪我哋大人食飯.好多時佢見我哋食嘢,就會想食埋一份,多數都係俾白飯同菜佢食.幸男用手"乸"菜食,不禁諗想草食男........

今晚可以係屋企食住家飯,全賴外母大人係新墟買餸,因為台灣女生去咗帶幸男去美樂糼稚園幼兒部面試.人家話幸男出奇地無發脾氣,仲會俾番玩具過MISS.人家話幸男唔好劃花張枱,枱面無佢個名,MISS答"遲啲就有架啦",唔知係咪MISS鍾意佢呢?

東海大閘蟹

今日同台灣女生帶埋幸男出去THE ONE既東海食大閘蟹餐,要大家等真係唔好意思.THE ONE都真係幾多人等LIFT,可能撞正晚飯時間(七點左右),上到東海見有人擺酒,其他枱都係食大閘蟹,無空枱剩.......

 

雞脾同ERICA帶埋KATRINA出黎,GORDON就同卓敏係PW上完堂過黎食飯~

 

幸男都有同KATRINA一齊影相,不過個樣就差啲,因為之前扭計喊過黎.

賢仔都有出席,仲同幸男影合照,唔知幸男認唔認得佢呢??

IVAN都成功同幸男影咗張開心合照,唔係那口那面兼無望鏡個隻,而係對住笑,都算俾面~

NATALIE好似好鍾意小朋友咁,雖然起初幸男扭計,但NATALIE堅持到影到張開心合照,臨走仲可以抱住幸男落樓添~食物方面,$330,唔提同大閘無關既餸,每位有兩隻大閘蟹,一粒蟹粉小籠包,一塊蟹粉法包.埋尾每位仲有一隻大壽包食添,大家都食飽個肚,開開心心咁走人~


PS:以前成日聽人講,父母好多時將自己完成唔到既心願或遺憾交託俾下一代,原來係真的.......幸男飲過第一啖佛跳牆就追住要飲....

結集~屯宿之男!

今日番完晏晝更,騎羊送台灣女生番屋企,再搭小巴出新新墟大排檔食嘢,同15樓既屯宿之男聚吓,其實仲有無上鏡既阿禮同我~

呢排阿潘出PRCC,再度同我一齊聚首於屯門區,所以約咗P完之後黎聚舊.雖然係CANTEEN食咗個飯,(因為一心諗住黎飲嘢,食完至係whatsapps得知係大排檔......),但見人齊,都特別食得開懷,對上個一之聚都好似係三四月拜阿強個陣.

每次既聚會,大家都係亳無忌諱咁講出自己既事,交心朋友,就是這樣子.

PS:PERCY話佢請咗工人之後,可以時間睇兩齣戲,但我仍然想親力親為,始終自己父母都係咁湊大我.

幸福豬

晚同台灣女生係尖沙咀新港中心搵地方食嘢,原本諗住食一風堂既拉麵,但太多人排隊,結果去咗豚兵衞食幸褔豬套餐.

起初只係想搵個唔太洗等位既地方食,細細間,無諗過原來雜誌有介紹,賣相同味道都唔錯添~

話係日本制既芝士球,我就覺得一般,如果平少少就合理啲~

 

我就叫咗個是日推介既魚生飯餐,真係好新鮮好好味,海膽大大舊,唔會係好幾件細既砌埋一齊,正~希望下次可以試到一風堂既拉麵啦.

PS:當叫幸褔豬餐時,我就諗起屋企個幸男豬....

食飯前我都用咗積分兼生日優惠(減一千蚊),補咗一千有找黎買咗個新銀包,原來六年前台灣女生送既AGNIS B銀包除咗外面殘,原來裡面既間格布早已爆線口,只係平時啲銀紙遮住唔覺....