晚同台灣女生係尖沙咀新港中心搵地方食嘢,原本諗住食一風堂既拉麵,但太多人排隊,結果去咗豚兵衞食幸褔豬套餐.
起初只係想搵個唔太洗等位既地方食,細細間,無諗過原來雜誌有介紹,賣相同味道都唔錯添~
話係日本制既芝士球,我就覺得一般,如果平少少就合理啲~
我就叫咗個是日推介既魚生飯餐,真係好新鮮好好味,海膽大大舊,唔會係好幾件細既砌埋一齊,正~希望下次可以試到一風堂既拉麵啦.
PS:當叫幸褔豬餐時,我就諗起屋企個幸男豬....
食飯前我都用咗積分兼生日優惠(減一千蚊),補咗一千有找黎買咗個新銀包,原來六年前台灣女生送既AGNIS B銀包除咗外面殘,原來裡面既間格布早已爆線口,只係平時啲銀紙遮住唔覺....
