第一次有目的咁去外影,平時都係屋企影吓生活照,或者出街食飯或去飲宴.地點係元朗公園,主題係畢業生(教練同OSCAR).
感覺好唔同,平時SNAP SHOT一切隨心,有主題下,MODEL會問番你點影好?你想我點配合?平時真係唔會聽到咁既問題,兼無考慮要獵取甚麼風格或構圖既相.
就睇吓THOMAS,好似一早心中有晒盤算要點影咁,有樓梯就坐係度,低炒上去.....有板有眼咁,唔似係第一次外影人像~
貴為"初心者",今日當然係跟OSCAR既家姐同細佬黎趁熱鬧,而絶非一人擔大旗,拍心口黎影,因為OSCAR既表妹都係黎影畢業袍相.單睇架生就知係玩開,反光板都有,個個都孭大機.我只係用SOMY NEX-3配KIT鏡黎試吓.
跳高,拋帽,呢啲簡單動作都有諗到,但其他好似係闊路三人裝作邊行邊亙相傾計,依靠樹叉位...........我就真係一舊飯咁跟住黎影......
攝影期間見到有個阿叔用把粉紅色遮黎晒太陽,感覺怪得黎又搞笑.
有時真係抵啲婚紗攝影公司搵錢,俾你拎住部機都未必影到佢哋既相,捕捉到美既一面.影相係有少少興趣,但要投放太多銀両去啲架生,真係有啲唔捨得,而且要帶住咁多嘢都真係煩煩哋,無反機既輕便確實啱我既STYLE多啲,唯有寄望NEX系會有多啲鏡同ACCESSORY配件,或黎緊既MODEL有多啲功能.
