100円的解詸game

前幾日係SWTICH E SHOP見到有隻類似ESCAPE既偵探主題GAME大減價，幸男玩過試玩版話OK，於是俾咗100円。配樂同畫面絶對不值一提，志在培養幸男既觀察及解難能力。

幸男不時都要黎搵我商討線索及幫手，例如呢個隱藏於房間既密碼圖案。當大家都絶望時，先至上網睇攻略~

另一個經常搞唔掂既機關，就係呢個轉轉鎖,即使有相機影低定格，幸男都係要向我求助。

PS:喜愛特務動作片既我，當然有心得，不過幸男都有啲忽發奇想,令大家不至於要頻頻睇攻略出貓。

復課日支援組

今日係幸男既復課日，做老豆既我釋出最大既善意-送番學~畢竟九月份就升中一，到時仲俾唔俾你送番學都成問題?

原本話一點放學，但原來十二點十個字就放學，我又遲咗少少出門，結果幸男係校門外等咗我近15分鐘左右，多得同學阿媽代為看管。收納好書包就直取燊光，享受無倒汗水既堂食。幸男都好耐無出街食晏，網課時間都係我出去做FOOD PAPA。

幸男做功課，我就搞衞生，放茶點時間叫幸男讓出枱角，以便我打咭扮休閒~

晚餐同幸男搭巴士出市中心，因為台灣女生收到仲攞到壽司郎既飛。人家笑幸男著到好似<IT狗>既男B，顏色配搭(綠衫+卡其褲)又幾似。

PS:變聲在即，要多啲同幸男錄短片，記低佢既擬BB嗲聲先。

三里臭

經康楠帶路後，放工多咗個節目，就係去買晚飯前小食(遺臭萬年豆腐)。

由於台灣女生收工番屋企煮飯需時，所以每人2件臭豆腐作飯前小食黎頂肚就啱晒。唔好以為好平，$20件，$30就2件，咁就$60㗎喇…

PS:買完騎愛駒番屋企都只係3公里內兼8分鐘既事，打開個盒都仲微熱。

分兩日去整車

今日騎愛駒攞午餐外賣番屋企時，發現泊車位地面有一滴液體，探頭往車底望，果然係漏偈油........其實尋日番黎抺車時已發現有少少油漬，以為車房師傅摸到車底側外露部件既痕跡。

打番電話去車行反映，約我兩點後到車行作跟進，話可能個介子蝕咗。食埋個晏就去車行，職員叫我係櫃枱坐住等，大約半個鐘就有得攞車。免手工，但偈油用番放出黎分額(個兜有幾乾淨就不得而知)，只係要俾番$10介子錢。疑似咁啱有人攞新車，驟睇望好以佢哋係望緊我架TMAX。

回程順路係愛定商場停低，去幫個CASIO運動錶換電，同市中心一樣拉晒閘。灰灰地行去惠康買嘢，行番轉頭又見開番，於是成功換電~

機械維修日

雖然台灣女生少戴隻BALL手錶，但話晒都近十年，所以上網搵咗間手錶維修中心,夾好電單車維修日子出黎市區。遲出門，到太子放低愛駒之後，就搭地鐵去尖沙咀。一出就收到電話，"我己經到咗門口"，入到去就坐低兼交出手錶，等另一邊廂既師傅檢查。

"走時不準，手錶偷停"-女店員拎番已拆開背面既錶過黎，話要抺油之餘，仲要換擺輪(損耗至不再水平)。心裡既底線係錶價既一半，報價係大約40%，話晒結5週年紀念禮物，當然順理開單~職員同我對埋錶身冧巴，其實隻錶又唔係過十萬既名錶，我邊會咁在意丫。

"呢啲錶可以傳俾仔女0架嘛....."被女店員"銀"我無定時打理隻錶兼簽名太簡後，落番去food court既圓台鐵板燒食晏。可能未夠一點,全店得我一個人堂食，見師傅忙於外賣柯打。

等牛肩扒時，特意影張相俾老豆，希望下次同老豆覆診時唔好再獨孤一味食燒味飯~食完晏都只係近一點左右，上咗去Pacific Coffee邊飲咖啡邊黐WiFi，用AQUO R6配藍牙耳機睇高達00黎放空(因為愛駒換皮帶需時)。

Free WiFi用盡，搭巴士落太子買臭豆腐食，因為美味食店將於月尾結業。疫情條例下，食舊算豆腐都要匿入後巷，食完就急急抹咀。呢間既出品外皮夠硬脆口及方形，我好喜歡呢種舊派既做法，只係稍嫌無區內洪水橋果檔咁重口味~

本來諗住行去始創逛下，點知收到車行電話通知攞車，愛駒已於側巷守候。

番到屯門市中心泊車,醒起無影過舊反帶係幾殘，唯有淨影新皮帶有幾新。市中心間錶舖都係無開，反而係AEON既玩具部撞見Andrew。

PS:全靠新買既尿袋同cable，先至可以安在Pacific Coffee，邊叉睇youtube解悶。

玩具反斗城外送

小朋友收到玩具送遞，理應開心有禮物收，但幸男今日就只係代番工既爸爸收貨。細個每次打開報紙，一定係揭去玩具反斗城既廣告，睇吓玩具行情，神級GAME BOY當然次次都有份(挨近一千,得個望字)。時代進步，而家TOYSRUS竟然有網店銷售，仲會送貨到門口。

話説之前CYBER FORMULA 30週年，香港站無日本咁多精品賣(只係買咗SUGO同SUGO WINNER既襟章)。康楠send條link話我知玩具反斗城有得買襟章set，仲要$800減到$480!!我立即晚飯都唔顧，開電腦訂購~相架背有掛扣及支撐架，透明面就係膠片，有少少花痕。喜愛儲襟章既我，都好耐無心儀既收藏。

PS:其實TV版既細車隊徽章都唔係認得晒(右下方)...

偵測機A7iii

聽到屋外有人嗌"X座有無人呀？"，八卦行出望下，原來係另一邊屋苑既頂層住户有隻家雀飛咗去人哋屋企既頂層（的確係有點黑影）。我見事主一家帶埋竹柄捕網，我問佢哋隻雀會聽你哋講嘛？事主話出走既雀會回應佢個名，希望可以飛近啲事主，方便回收番佢。

事主得知我代佢哋WhatsApp留言該住户後就離開，我好奇之下，用屋企部A7 iii配100～400拉盡黎望下乜雀。原來係鸚鵡！唔怪得事主話會應佢哋嗌名喇～

鸚鵡無幾耐就飛走，希望係自己飛番屋企啦…

PS:無得去旅行兼疫情條例下，好耐無拎起部相機，連幫幸男影踢波相都無機會…

MASKED RIDER

之前係SAVEWO網站見到有仮面ライダー RX既口罩set買，於是訂咗兩盒，今日卒之收到短訊可以係智能櫃取件~

今次既賣點係三款式樣，有齊RX, RR, RB!望落好似好毒，但撐開戴上時，腰帶圖案會係下巴下方，正面只會睇到胸甲既色樣同LOGO~

PS:邊有諗到貨未到，大佬已係街買咗一盒現貨俾我丫,仲要有POSTER送!

RIDER坐駕

尋日番工見到一架幪面超人THE FIRST既拉花電單車，但趕時間無影底，今日又俾我見到佢係公司停車場~

除咗車頭，車側同尾既包圍都係有拉花，可以肯定師兄一定係拉打迷。期待一天可以攞車時見到車主，交流下拉打經。

當年既仮面ライダー THE FIRST原型係HONDA CBR1000RR(側鏡同指揮燈當然係被掹走)，本身既設計都只係改拉花同前包圍頭燈。有別於一般痛車既"純毒感"，揀呢個model黎仿拉打坐騎既玩法,。唔會太誇張之餘，亦非常有玩味~加上電影造型內，有拉打除去頭盔露出人面相既情節~