分兩日去整車

今日騎愛駒攞午餐外賣番屋企時，發現泊車位地面有一滴液體，探頭往車底望，果然係漏偈油........其實尋日番黎抺車時已發現有少少油漬，以為車房師傅摸到車底側外露部件既痕跡。

打番電話去車行反映，約我兩點後到車行作跟進，話可能個介子蝕咗。食埋個晏就去車行，職員叫我係櫃枱坐住等，大約半個鐘就有得攞車。免手工，但偈油用番放出黎分額(個兜有幾乾淨就不得而知)，只係要俾番$10介子錢。疑似咁啱有人攞新車，驟睇望好以佢哋係望緊我架TMAX。

回程順路係愛定商場停低，去幫個CASIO運動錶換電，同市中心一樣拉晒閘。灰灰地行去惠康買嘢，行番轉頭又見開番，於是成功換電~