失真有理

最近電視常播放一個樓宇住宅廣告,每個華麗既畫面下,都有細細既字句,例如"所述之步行時間僅供參考,並受實際交通及路面情況限制","此影像並非於或自本發展項目範圍拍攝或以本發展項目作依據制作,亦與發展項目無關"....

記得以前大陸樓盤碧桂園電視廣告都有實景或示範單位內實照,以及屋苑外觀及規模.反觀而家既本港住宅就以大量無關既影像或非客觀既陳述黎吸引觀眾,抽空去睇示範單位.

只需係畫面下方加上免責字款,就可以無限創作,究竟社會係進步咗定係失真咗呢?

區內大排檔

今晚約楝哥一齊食晚飯,由於何褔堂大排檔水準下落兼被食環重駐,所以楝哥介紹去工廠區熟食大排檔.落雨天,輕鐵去到建安站,行入工廠區,經過巴士車廠,富臨酒家及馬會,到埗.

招牌脆皮豬手,又真係唔錯,唔會太鹹,外脆內嫰.

廚師推介,本地芝士龍蝦伊麵底,$228,肉多過麵,只係個芝士汁好似煮燶咗少少.

黃金鮮魷,唔再係黃金三寶裡面得個幾舊.總括而言,呢度比何褔堂食開既鋪頭好食,一樣有是日海鮮.燈光充沛兼有瓦遮頭,即使今晚係黃色暴雨,只係有雨粉徐風吹入,唔會濕身濕腳.

兩支公有傾有講,食得開心又安心,相信黎緊都會轉係呢度聚餐.

PS:加埋支藍妹,都只係4百幾就埋到單,抵食過酒樓丫~

時光倒流-美荷樓

星期日放假都要早起身,因為台灣女生話想帶幸男去深水埗石硤尾邨美荷樓睇吓以前既生活.雖然我地遲咗少少到,但都趕得切跟導賞團.幸男對導團既歷史講解當然提唔起興趣,所以我不時叫幸男係懷舊照背景牆影相解悶.

展館內擺放著懷舊兒時玩意,相比現今電子玩意,舊玩意著重一班小朋友之間既亙動.時下既家庭偏向小型,鄰里斜向疏離,一班同齡玩伴變得罕見.

50年代美荷樓之外貎模型,舊圖則及當年照片造就了仔細既造工.

樓上既生活館,存放著當年美荷樓既家具及間格,令人有回到過去既感覺.

呢個近代啲既陳設,相信係70-80年代.

我細個時,記得阿公阿婆或其他親戚都會係屋企擺福祿壽或觀音像.可以俾幸男望見父母兒時既生活家品,感覺蠻特別,好似自己都變番3歲幾,而幸男係未來探自己般.

導賞完畢,我地出咗去門口補影相.其實呢度已經變咗青年旅舍,部份地方保育成為歷史展覽館.

遊戲室內有各種懷舊玩具,幸男試過扭計骰後,就同人家一齊玩吊魚機.

我哋見青年旅舍內有餐廳,所以貪方便搵位坐低,人家先為肚餓既幸男排隊買嘢食.雖然價錢貴少少,但賣相同味道都係誠意之作,非一般canteen所能比擬.

見近小歌仔屋企,相約一齊食晏兼聚吓.由於有場過雲大雨,我用人家既遮落去接小歌仔.可惜我聽唔明小歌仔既位置,所以停咗雨至係近門口既位置相會.

食完嘢,人家帶幸男去搭車入沙田參加大學書友聚會,我就同小歌仔一齊行番去地鐵站.自己搭巴士番屋企洗衫晾衫,家務永遠都做唔完...

浪客劍心-傳說落幕

呢集可以話係電影3部曲中,最好既一集,因為人物描繪已於第一二集完成,今集可以放膽加速節奏.

上回講到劍心於岸邊被神秘人所救,原來係佢師傅比古清十郎.劍心被師傅所救,並求恩師教授奧義"天翔龍閃".比古清十郎除咗與愛徒聚舊, 更道出劍心既不足-過度執著於救贖過去罪孽而埋沒了求生之念.

志志雄真實以母艦要脅東京政府,通緝並交出劍心以斬首示眾.政府一邊假裝就範,一邊加緊裝備炮台以應付盤踞海邊既母艦.最後係岸邊之刑場作反擊,新政府警察當場釋放劍心並聯合對付志志雄真實手下既"十本刀劍客"江口洋介飾演既齋藤,依舊令我著迷,相反十本刀劍客就好似數唔夠數兼一下子就被擊倒.

上次戰勝劍心既宗次郎,一嘗敗北滋味(今次輪到宗次郎輸到斷刀).

志志雄真實因皮膚嚴重燒傷而不能正常調節體溫,最終賭上15分鐘既極限,同時對付劍心,齋藤及蒼紫. 
志志雄揮刀時夾雜著火炎斬,動畫係咪都有呢?

蒼紫及齋藤先後倒地,劍心因由美(志志雄之紅顏)之阻撓,而被志志雄以灌穿由美身體既刀所傷.最後劍心以飛天御劍流最終奧義-"天翔龍閃"(鬼武者既一閃?),擊倒志志雄真實.岸邊新政府炮台繼續不停攻擊母艦,眾人於即將沉沒既母艦逃生.

雖然劇情例牌(始終係多年前既漫畫故事),但節奏明快,相信一眾FANS會收貨.利申:本人唔係FANS,只係睇過漫畫一次.

單燈行車

我向來偏愛電單車有雙頭燈,仲要係同時著高燈同低燈(一盞高一盞低好以單眼仔),原來燒黎上黎都方便啲,至少仲有一盞頂住先.

夜晚騎羊行車時覺得左前方好似無咁光,係其他私家車尾外殼既反光又睇唔真.番到屋企時落車睇,確認愛羊前燈有一盞燒咗.原定六月番原廠鈴木check車換兼電池(已用3年),挨埋呢兩個幾星期,就可以換埋頭燈.

PS:相片以台灣女生部Z3黎影,好過部alcatel onetouch idol x

日系手機Sony Z3

傍晚跑步前去市中心領域為台灣女生添購新電話,繼上次Z1 COMPACT,再一次係領域買水貨機.早幾日人家行過SUN MOBILE見大減價$37XX,仲送大舊headphone及水晶手機繩.行埋領域睇日本版Z3內置記憶體由16GB升至32GB,領域保養18個月,$36XX中銀咭再平$100,點都好過行貨送既核突耳機及透明膠粒手機繩.

由於SONY好多機都有紫色,所以人家揀咗SONY較少有既銅色.現役既Z1 COMPACT會轉贈俾外母,因為外母部XPERIA S常當機.其實Z3比Z1 COMPACT唔係進步好多,只係芒大咗同靚咗及RAM由2GB增至3GB.

俾錢時至知大個價值$148既SONY細耳筒送,兼且要用nano sim咭,於是跑完步就上人家既工作坊攞手機張micro sim咭去市中心領域cut咭.今晚叉飽電,聽日人家就可以享用新手機了.

PS:買咗件人生第一件跑步背心俾自己(橙/白色),今晚跑起上黎又真係無咁熱.

On your mark-健康都市人

傍晚騎羊番公司更衣室,換過衫褲同跑鞋,就行去鄧肇堅運動場.

成年幾無跑步了,平時夏天游水,秋涼至跑步,但今年想多番啲運動,畢竟舊年9-5時間無咩點郁動.好鍾意去鄧肇堅運動場,因為中學時代運動會好多時都係呢度舉行,中學畢業後training時期會黎跑步,正式出黎番工時就會放工或放假騎羊黎跑.呢個運動場結集住唔同時代既我,佢地都係一邊喘住氣及流汗,一邊忍耐同堅持.

約咗楝哥一齊跑,跑十二個圈(第二線內圈),5公里用咗26分幾.久休復出,跑到第十個圈已經好辛苦,我同著住灰色底印有DUNCAN字樣背心既楝哥講"DUNCAN,我好辛苦呀......",結果都挨到5km.一齊行圈cool down兼閒談,拉埋筋同上公正大磅,就分道揚鑣.寄望今年可以多啲一齊跑步,可以的話就再一次跑半馬.

男人既浪漫

今晚約咗大Vicky食飯,臨時仲有子健加入,三條麻甩佬,邊食雞煲邊隊啤酒.

我好享受一班交心好友一齊邊傾邊飲,前輩們既告誡及關心,自身既感受及看法,亙動之間令自己既思路更加隱固.

"義"係現今世代已被淘汰,但我仍想堅持"義"及自己既底線.我唔怕起步比別人遲或大落後,我只怕失去了自己.

ps:隔離枱可能覺得好怪,點解個男人係咁指住個四眼朋友講"我X你啦",但個四眼仔又唔反枱?正當想搵單俾錢時,大Vicky豪爽既一句"俾X咗啦~",多謝大佬既款待,明明想請食飯,點知變咗黐餐.

母親節飯@新斗記 & Avengers 2@凱都

 特意去Watson's Winew買支Grand Cru Classe,因為今晚係母親節飯局,可以三父子一齊享用一支紅酒,而且呢度唔收開瓶費嘛.

 大佬同阿嫂未到,叫咗支藍妹同一碟鵝腸俾老媽食住兼飲住等人齊.

 原來佢地準備咗隻手錶俾老媽,作為母親節禮物.

 我地叫咗個六人餐,餸菜既份量好似比上次多.

平日專攻蒸魚既幸男,今日無心戀戰,結果我要幫手清食剩既份兒....

 套餐原本係有燒雞,但阿姐話賣晒,轉咗係2隻紅燒乳鴿,反而幸男多味啱胃口既餸.

 每次叫幸男望鏡頭影相,幸男都係唔太正經同合作,呢張已經係非常配合.

 大合照當然唔少得,可惜攞位太盡,對焦後右邊太少位,老媽亦唔太習慣望鏡頭耐啲.老媽當然開心,唔洗煮,有禮物,三代同堂食餐飯.

晏晝我用手機上網係凱都買飛睇復仇者聯盟2,俾多$6就可以買定飛,臨入場至攞飛.

故事真係估得到(利申:我只係睇過trailer),無睇過漫畫原著既我,覺得vision既出現有啲突兀(一粒聖石+有機再生囊=超生命體).特技同動作元素當然交足功課,但睇完之後有少少好似"家有喜事"或者"八星報喜"既感覺-群星滙集,熱鬧一番.

外母生日自助餐

今晚book咗枱係美麗華食自助餐,早少少係尖沙咀K11行吓,咁啱係擺緊法國節佈置.

幸男鐘意一人獨佔巴黎鐵塔影相多啲,同團體照個樣分別好大.

行咗陣日式家品店同書局,行番落地下個層為幸男補多幾張相,幸男差啲成個道具抽晒出黎......

六點鐘入座時發生小插曲,接待處職員話無呢個booking,經過一輪擾攘至可以成功入座.

三婆孫一齊合照,鑑於室內燈光昏暗,故以硬閃光代替慢閃光,以免人像因長快門時間而變矇.

三婆孫一齊出擊揀選食品,人家話好多人排隊攞開邊龍蝦.生蠔無限量供應,只係要每次攞一細碟,其他食物都算多選擇,如果魚生有劍魚腩就好了.試過唔同既芝士,但好多都係好鹹.....

人家臨尾至發現有macaron及芝士燒蠔,雖然有大光圈鏡,但都要人手對焦至可中焦.人家硬撐咗一段時間,先至有得食~

住家飯

老家裝修,今個五月都無得番屋企黐餐,所以台灣女生親自下廚.晏晝同人家係市中心食完晏,行去裝修過既TASTE(啲位唔同咗,搵嘢都耐咗)睇吓有咩啱買結果買齊四餸晚餐既材料.

幸男喜歡安在家中食飯,唔洗行黎行去或搭車.幸男一個人食咗大半條蒸魚咁滯,精選菜葉,及少少牛仔骨.係Taste買既牛扒醬汁同泰式辣醬,與牛仔骨及蟶子好夾~

食飽就可以繼續玩具耍樂,以前自己儲既Rider電單車,現已轉交至幸男手上.多謝人家既下廚,相同價錢,係屋企煮真係食得好啲同多啲.