區內大排檔

今晚約楝哥一齊食晚飯,由於何褔堂大排檔水準下落兼被食環重駐,所以楝哥介紹去工廠區熟食大排檔.落雨天,輕鐵去到建安站,行入工廠區,經過巴士車廠,富臨酒家及馬會,到埗.

招牌脆皮豬手,又真係唔錯,唔會太鹹,外脆內嫰.

廚師推介,本地芝士龍蝦伊麵底,$228,肉多過麵,只係個芝士汁好似煮燶咗少少.

黃金鮮魷,唔再係黃金三寶裡面得個幾舊.總括而言,呢度比何褔堂食開既鋪頭好食,一樣有是日海鮮.燈光充沛兼有瓦遮頭,即使今晚係黃色暴雨,只係有雨粉徐風吹入,唔會濕身濕腳.

兩支公有傾有講,食得開心又安心,相信黎緊都會轉係呢度聚餐.

PS:加埋支藍妹,都只係4百幾就埋到單,抵食過酒樓丫~