On your mark-健康都市人

傍晚騎羊番公司更衣室,換過衫褲同跑鞋,就行去鄧肇堅運動場.

成年幾無跑步了,平時夏天游水,秋涼至跑步,但今年想多番啲運動,畢竟舊年9-5時間無咩點郁動.好鍾意去鄧肇堅運動場,因為中學時代運動會好多時都係呢度舉行,中學畢業後training時期會黎跑步,正式出黎番工時就會放工或放假騎羊黎跑.呢個運動場結集住唔同時代既我,佢地都係一邊喘住氣及流汗,一邊忍耐同堅持.

約咗楝哥一齊跑,跑十二個圈(第二線內圈),5公里用咗26分幾.久休復出,跑到第十個圈已經好辛苦,我同著住灰色底印有DUNCAN字樣背心既楝哥講"DUNCAN,我好辛苦呀......",結果都挨到5km.一齊行圈cool down兼閒談,拉埋筋同上公正大磅,就分道揚鑣.寄望今年可以多啲一齊跑步,可以的話就再一次跑半馬.