純愛VS現實

史詩之怒行動後，今日至第一次入油，平均每公升貴3蚊。

相信唔少車主會羡慕楂電動車既朋友，唔會受油價既波動所影响。

工作坊聚餐

今晚既工作坊聚餐，順利係三聖舉行。雖然活動間板既隔音麻麻，總算為大家帶來一點私人空間。

搵地方，擇日子，揀菜單，夾人頭，砌座位，做聯絡，影合照.....只要大家食得開懷就好了，寄望下次可以再人齊多一點，為大家安排SWITCH 2嚟亙動吓。

PS:"人事を尽くしていない者などいない"係我職場上既執意

住家毒T

今日台灣女生幫我係UNIQLO買咗件12黃金聖闘士既毒T，試上身都唔覺塗料太厚(背脊仲有個十二宮火鐘面圖案)。

著住佢嚟訓，唔知可否防禦ヒュプノス呢?

毒自看高達

朝早係村口文記食完晏，就趕番屋企晾衫，再行出村口飛的去西鐵站，為去iSquare睇IMAX版閃光之凱薩衛-瑟茜的魔女。尖東站出閘，急步行去相連既地鐵站R出口。一輪扶手電梯交替，成功上到商場第7層買飛，再登頂到IMAX院。

除咗靚人(GIGI)靚景(香港)，最欣賞既係𣎴時有第一身視覺，GIGI於泳池既POV，主角於駕駛倉內既現場感。

相比第一集，我覺得文戲比重多咗(畢竟原作為小說)，但未至於訓著。戰鬥依舊係天黑時份，唔知係咪為咗呈現緊張氣氛同激光武器既美感？

唔記第一集當年有無上過戲院，NETFLIX上架我先至知有呢齣動畫。真實感同細膩既畫面，令我好期待續作。事隔多年既第二集，我既評價係"唔睇就可惜，睇咗就遺憾"，希望往後既第三集可以緊湊一點。

PS:得知今集同馬沙之反擊有莫大關係，出門前特意上YouTube睇懶人包。

A7 III -> A7V

"猷兄，會唔會換A7 V呀?"，"唔喇，幸男都大個，無細個咁多節目兼機會影相....."明明早前係咁答豹哥既提問，但今日出咗去旺角交收留咗貨既A7 V。話晒CMOS同防震都有升級，兼再拖多幾年既話可能心眼都跟唔上，所以魯莽地購入新機。

A7v比A7iii厚身，手握位亦更突出。雖然A7iii係2018年買入，但實質服役時間唔長，因為武漢肺炎疫情期間無機會去旅行外影。

新機要花時間去適應，第一下唔慣既就係頂部既EV轉盤變咗可自行更改設定既轉盤。熄機後不再可以直觀或重置EV值，要下次開機從電子觀景器才得知參數，感覺上會花多咗一個步驟……

婦女節暨老媽生日飯

 

今晚出港島區食晚飯，落巴士行咗無耐就開始上斜路段。

餐廳內燈光昏暗，梳化位異常地低，要坐住個咕𠱸至可以同枱面保持合理距離。

老媽話今年要送小禮物俾兩位家嫂，婦女節大合照。

單靠電話相機既話，絕對無法應對是晚場景。

大佬揀呢間餐廳係為咗生蠔無限添，但無諗到第一round上既先蒸熟再冰鎮上，店員話因為早前新聞有Norovirus事宜。交涉後，大佬要做代表簽名，當係客人要求兼免責，我哋至可以嚐到真生蠔味。

嘢食算對得住價，始終生蠔放題嘛～人家話我個餐由頭升級到尾，但其實係除咗pasta以外。

老媽既甜品係有特別裝飾。

壓軸有另類蠟燭，立即叫幸男過去同嫲嫲合照。

回程call uber 7人車，免老人家再要行斜路，大家又可以舒服啲直接番屋企。等車期間，發現餐廳轉角位置正正係蘭桂坊。

PS:回程上既係BYD既電動7人車，辛苦幸男同人家坐最後既2個窄位。