TOY STORY 5

今晚舉家去YOHO MY CINEMA睇TOY STORY 5，原本無諗住睇，但台灣女生堅持要一齊入戲院睇。其實我覺得第三集已經係完結，第四集只係添食，睇完第五集覺得只係集體回憶。

晚餐係戲院隔離既GLASSHOUSE食，好耐無食西班牙乳豬~

半雨天跨區外賣

台灣女生今晚有約，兩父子食自己。唔想幸男食得太悶，係天文台app預測雨雲帶後，著定雨褸出車去荃灣vision 8攞自取外賣。一如已往，跨區外賣回程係家庭群組報時。

去程後半段細雨，回程前半段驟雨兼濕地，份外克制車速同傾斜角度，平安歸航。

上星期起，幸男進入學期末考試週，所以唔向夜晚花時間出街食。地面已轉乾為籍口，以美食嚟鼓勵吓幸男為實。

值得入場既動作(CULT)片

今日自己一個人去英皇睇17:10場次<<火遮眼>>，預咗故事單薄，動作就絶對完勝。角色上，男主角王偉既設定為啞巴，反而減少背景既包伏，迴避語言衝突。終極大佬柏龍既腳踢功架，令動作分數美化及生色不少。扣分既係射箭佬既老土設定，另外雨晴妹妹既強國味稍濃。最心動既主觀視覺，一定係王偉騎電單車衝入並撞開塞滿人既通道，後座既雨晴以水管亂毆作"駁擊"。

見未夠時間會合崇真書友，去咗Ruby Tuesday嗌杯生啤飲。

無台灣女生既會員半價庇蔭下，一杯GOOSE ISLAND IPA要$158。可能店員憐憫我，送咗個細薯條俾我助酒，我即刻取消啱啱落單既炸洋蔥圈塔。

晩餐係Pasta Holic食，夠晒學生餐feel，可惜唔記得影相留念。

ANNIVERSARY @ HUGO

結婚註冊19週年，今晚台灣女生book咗HUGO，再次encore舊年11月食過既5 Course Classic Set Dinner(今次有杯non alcohol welcome drink 送)。A7V反芒自拍，全靠人家兜住部機，28mm真係好抆水，係咪要諗下25-200呢？

上次兩個都嗌wine pairing，結果兩個都不勝酒力，所以今次都係單開一支香檳就好了。

當年係關島註冊行禮後，晚餐係pool side BBQ，我都有買支香檳嚟慶祝。仲記得係俾咗加一，都係自已拎住冰桶連香檳番埋位開，仲要開唔到要換過支(職員都開唔到)......

今次個Starter無咗生蠔，轉咗煎帶子，其他就如舊。

廚師提我哋可以準備影陣間忌廉白蘭地龍蝦湯既火舌。上次影唔切，今次用A7V試試。

嘩!成功喇~

食完個牛扒已經好飽，個芝士拼盤都係頂住上。

人家揀咗朱古力心太軟，話有信心食得落。

拜託侍應幫我哋合照，當然係測試Xperia 1VIII既時候。 

甜品後仲有coffee or tea，人家揀breakfast tea，我就投降。

雖然好飽，但見到個Chocolate Bonbon，大家都係認唔住食埋去。

PS:回程call uber趕番屋企睇F1排位賽

夜更後既區內活動

朝早去咗搵Tiffany剪髮，新地方除咗就腳啲，舖位都開揚過之前好多。巴士係華都落，上番天橋行過去就係Parklane。中學時代經常行過栢麗，睇game同租漫畫，所以有少少印象點去搭lift上樓。

行番去市中心，經過大會堂，落去借地面果層既廁所。熟識既色調，熟識既氣味，熟識既佈局。

諗起中學時代既軼事，會心微笑。記得無手提電話既年代，大會當係好多區內人既熱門會合地點之一。除咗有冷氣之外，仲有當時公眾地方必備既投幣式電話，方便打俾唔知醒既朋友。

行去西鐵站，趕去元朗yoho My Cinema買14:30既場次既He Man。姐姐見我咩信用卡優惠都無，叫我去自助機攞九折。好在之前無時間去睇IMAX貴飛(唔係話唔好睇)，以每集半個鐘既兒童向卡通動畫作藍本，已經好好了。

劇情除咗笑位，亦有致敬彩蛋，兩個鐘片尾既硬照有SHE RA既背影。散場好肚餓，去咗AGNES B cafe買件蛋糕配咖啡填肚。晚餐就一片心喺屋企，等台灣女生做完facial買美心皇宮外賣。

區內跑腿

呢幾日都落雨，晏晝趁短暫陽光，騎愛駒去老院送下午茶兼同姑娘商議牙科陪診。一心下一站去市中心買星巴克，點知行咗一段路就落雨，情急之下去天橋底暫避。

夜晚又話會落雨，嗌外賣分分鐘無人接單，結果傍晚我趕雨雲帶前出車，去鋒哥廚房拎外賣自取。

七點唔夠就安安樂樂食雞煲，無視戶外既雨天。唔洗兜入元朗，味道好過再來一煲，可以encore。

流浮山聚舊

收工趕去V City既偉成，交收留咗既2支白酒(幫我雪定)，跟住就番屋企抖陣。好在有補鐘早少少走，趕得切避開陣雨。等台灣女生收工番屋企，再一齊搭UBER入流浮山。

同前輩們一齊邊飲邊食，可惜我同慧賢搶單失敗，下次再努力! 以前係星期一至四無咁多人，週末人多，但宜家係調番轉。以往香港繁盛，時間就係金錢。時移勢逆之下，大家係用時間嚟換金錢，轉咗北上消費。

回程黐大Vicky既順風的士，牌坊落車行番屋企，期間雲層紫電不斷。可惜FLIP 7攝力有限，試咗張都未能成功捕捉。