GTO

早前係NETFLIX見到有全新既GTO Revival兼舊GTO一齊上架，當年熱播時我同台灣女生都無睇過，於是一齊由舊GTO睇起。礙於4:3兼低像數，啱晒挨住枕頭用平板嚟睇嚟既睡前日劇。

之前睇既係2012年版既GTO，相比之下，元袓版本即使係低清，反而好睇得多。

PS:無諗到當年既尺道咁開明，可以有露點既雜誌硬照上鏡。

唔記得影合照既書友聚餐

逢星期四晚，台灣女生都要上堂，所以我唔係番晏既話就要諗晚餐。今晚就約咗崇真書友聚吓，照舊係火鍋放題。 原定旺角集合，最終轉係荃灣，反而我慳咗時間(可以番屋企泊底愛駒)。

教練最早到，為大家打點。

雞煲係無限添配，教練嘛，馬sir同我食住嚟等阿偉。

人齊食多轉雞煲，再落埋個湯底轉火鍋，等上一次性既清蒸海鮮拼盤。每位$300，都算係抵食~

坐7望9

自FLIP 5起，已連續2年升級，不過今年就真係覺得無需要追FLIP 8。

舊年既升級係外屏幕可以用盡之餘，仲可以Full HD咁滯。

原本諗住FLIP 8除咗粒U有升級，機背超廣角鏡頭都可以跟上廣角鏡頭，50MP方便大合照自拍，可惜同網上傳聞一樣(冇)。

 

HUE DINING

呢間可以望住維港既中價西餐廳，係台灣女生係網上介紹得知。帶住個splint兼紗布套既，好唔方便操控A7 V既按鍵及轉盤，把心一橫“大解放”。

無補光下，以Flip 7既AI作軟件補償，人家無咁面燶。麵包籃要加錢，麵包一般(悔不當初)，人家志在個松露牛油……法式洋蔥湯，賣相一般(所以無影)，味道ok。

Australian Angus Grain Fed Flank(medium)。

Bouillabaisse，兩口子分嚟食，份量都ok。話就話四道菜套餐，其實係臨尾2道係甜品(雪糕同tiramitsu)，有啲搵笨……

Cocktail menu選擇唔多，揀咗杯Apple Margarita Basil。明明見最入面有BAR TENDER枱，如果有多啲選擇既話就好了。

習慣定係純愛?

用啤酒樽嚟模擬扭油筒同控持把手，應該都OK喎，今日就重拾騎愛駒番工既習慣。

右姆指負傷一星期，開始散腫，可以唔食止痛藥(掂同壓到就痛)。騎乘就唔帶個splint，出街及番工就時間就帶嚟保護兼固定姆指。

負傷唔戒口

幸男去踢波，晚餐變咗二人前。記起之前係V CITY食千両時，發現隔離既東京食堂一人火鍋都抵食，於是今晚就同台灣女生一齊試吓。

唔洗諗，一定係牡蠣海鮮鍋，再要加份安格斯牛肉片。

SUNTORY買一送一，第一杯飲剩一半就叫起埋另一半，同人家一齊舉杯。

PS:食飽就落去一田超市買嘢，call的士直接番屋企。

Thumbs up

星期五家居意外後，病假至今日。台灣女生陪我去睇骨科，為慳時間，先去物理治療配個splint。

醫生望過X光片，都話係stable fracture，最快都要4星期復完(唔需要OT)。俾錢同拎埋藥，係醫院餐廳食埋晏就call車走。人家趕番工，我就趕訓覺，夜晚要番tier 1既night。

外母家居小改造

上星期攞嘢俾外母，順便試吓部冷氣機夠斯換未，點知發現開到最大都唔涼。早話要換㗎啦，一匹機地板油，捱得過保養期已偷笑。今日騎愛駒兜埋台灣女生上外母屋企跟進冷氣安裝，帶埋REON POCKET上去，吹住風扇都出晒汗。

一匹窗機升級至兩匹分體機，一定夠晒涼。室外機散熱直吹出街，騎樓無咁熱。

工程後，幫手抹吓嘢，再去攞車兜番樓下接人家。

太攰了，先去卓爾居Pacific Coffee小休。幸男讀幼稚園時期，經常嚟打躉。

夜晚番老家黐餐，係卓爾居間7仔買2支藍妹，同老媽啤啤佢(紅酒腳今晚唔番)。

PS: 外母樓下有保安𥄫到實，所以兜遠啲泊車，順便係會考班中學前打咭留念。