愛羊入門三週年

 今日係我同愛羊三週年既日子,本來諗住同羊仔出去兜吓風,但見佢污糟貓咁,於是改為抺車打腊.食完晏,成個下晝就係咁俾晒愛羊,台灣女生就係客廳上網煲劇.

 話晒係週年紀念日,除咗水療(清洗)兼按摩(打腊)外,特意為愛羊換上新外套(布冚),記得係街度同其他羊仔講你有幾嘆~

隔離屋既狗仔好鍾意同個飯兜玩,發出"咚咚"聲.其實佢無得入屋,好多時都係自己係露台,主人又無咩時間陪佢咁.有啲"鄧"佢悶,加上朋友既影響,我諗我都係退休至會養狗~

ps:由於隔離屋隻狗眼仔附近有個啡色圈,我同人家都想起麥兜,於是就叫佢麥兜,點知佢又咁啱好鍾意玩自己個飯兜~~