平安夜無咩特別節目,我要番早更,台灣女生放假,於是係屋企開香檳食飯慶祝~
材料係人家朝早睇完中醫去吉之島買既,我放工只係番屋企兜人家出卓爾居太興食晏.
其實枝香檳係夏天巳經趁特價買定,因為人家鐘意香檳,但飲落又真係有啲甜到"膩",加上酒味較強,所以大家都唔係好飲得多.....呢一兩個星期同人家既更期唔夾,所以唔可以提早出街食,希望一月會多啲時間出去行吓,唔洗咁悶.
今日租咗兩齣戲,第一齣港產片-竊聽風雲,故事麻麻地,好一貫既穚段,好人執勸期間,因一時貪心而一身蟻......
第二齣係西片-吸血新世紀,迷倒萬千少女既男主角,對於我黎講當然係唔過電...故事一般,唔吸人血既疆屍,咪同港產片"千機變"差唔多,只係愛情為主線,而唔係疆屍獵人為民除害.女主角樣子唔吸引,特技"雞雞地",睇到中途訓著咗,臨尾醒得切睇ending15分鐘.
ps:今年無為人家準備啲咩禮物,希望人家唔好見怪~~
