聚

番完早更,趕輕鐵,西鐵,地鐵,出柴灣,同兄弟們一齊去望吓阿強個位.鮮花,生果,香煙,芝華仕18,以聊表對老朋友既心意.兩年了,大家都有改變(例如:開始玩相機,工作環境,做爸爸...),不變既仍然係"友情".

夜晚小新帶我地去佐敦既火鍋店"高流灣"開餐,相識咁多年,食得最多既都係打邊爐~材料新鮮,魚三角多肉得又唔腥,墨魚丸好好食,花甲好甜,湯底夠晒味~

阿禮明顯有心事,成日都煙不離手,唔似平日為享受而食既態度,說話亦較少.希望佢搏殺之餘,亦能顧全身子.

PS:晚飯後段覺得好攰,阿潘話"咁你第時點湊仔?",聽完真係有啲擔心.....