貴人出手相助

好攰咁病住黎番夜後,晏晝勉強騎羊去良景搵老豆食飯,再番屋企.同人家睇陣電視,就係客廳訓覺,突然收到德輝既電話,話佢同子健踩單車係我屋企附近,於是以冰凍汽水作餌,誘騙佢地黎幫我安裝bb衫櫃.

其實個櫃只係要安裝腳部既轆,同埋頂部揭板裝置,但由於個櫃本身太重,自己一個人真係唔可以安全地放平佢黎安裝.勞煩晒德輝同表叔,我會同個仔講及你哋兩位叔伯既幫忙.

其實由我初畢業番工,學車渣車,德輝同表叔都幫我唔少忙,教我唔少嘢,蠻有阿哥既感覺~