今朝11點收到外母來電,話佢半夜四點肚頂唔住,由鄰居陪同下去急症室睇醫生,醫生話驚脫水,所以要上C2病房吊鹽水觀察.身為賢婿,當然梳洗食啲嘢,幫外母大人執啲日用品就騎羊去搵外母大人.
苦了鄰居阿姨陪咗外母大人成七個鐘,接手後都係O房等咗近兩個鐘至上到病房.好在係C2,如果去其他病房就無2人房.俾職員收完症,就陪外母一陣,等到台灣女生放工行過黎探望吓,跟住我地就去市中心食晏.
之後上咗外母家攞啲替換衣服,我就搭輕鐵去探多次外母(買埋本明報),而人家就打的番屋企準備晚飯.
好在外母大人都無話痾到無胃口,仲好八卦咁行出去"莊"人哋個護士站,希望外母大人快啲好番~
