新買既F-22星星叫,俯瞰飛機形態,外型整體尚好, 與真實既F-22相差不多.
可惜飛機底部,推進引擎下多咗腰位同大脾,令佈局失去流線型,不符實物,要扣分!
機械人形態就相當出色,倒三角上身兩旁機械感十足,體型比前作F-15大少少,下半身關節活動亦較多.舊個隻其實已經好幾年,除咗一買番黎背脊部件少咗粒螺絲釘(有一塊背甲係變型時會脫落),最近右翼既關節仲爆埋,所以忍唔住買咗架F-22頂上.
兩代星星叫,交接儀式完成(一隻爛翼),狂派契弟角色後繼有人(其實我仲有一隻F-15黑色底紫色拉花既SKYWARP)~
PS:有段時間幸男一個人坐係度,塊面貼住枱面,但一見到相機就笑起黎~
