今日同賢仔係凱都睇3D生化危機之滅絕真相,都唔知睇到第幾集電影,感覺好似睇呢個女角睇咗好幾年.劇情唔再係救人,主角被UMBRELLA囚困,WESKER派手下前往前蘇聯既秘密水底基地作救援,例牌係擺脫機關兼掃射喪屍.
李冰冰飾演既Ada Wong比上映前網上流傳既劇照好,夠晒冷艷(其實呢齣戲都唔洗點感情發揮...)無咩悶場,係四個城市場景打喪屍都幾特別,只係臨尾上去冰地與歹角肉搏戰有少少誇同耐咗啲,其間X光透視斷骨畫面有啲似PS2隻GAME咁.
PS:睇戲前同賢仔係SALZERLYA食晏,好趕咁食咗個鐵板漢堡扒餐,計埋飲品四十幾蚊,味道都OK~
