第一次砌金屬模型-翼龍

係市中心LOG ON買咗成年既翼龍金屬模型,一直都無的起心肝組裝,今日卒之都完工,達成大假計劃之一.

細個時已經鍾意恐龍,當中最愛就係翼龍,因為佢可以自由自在咁飛行,酷!初中時代同師傅一齊去過科學館,睇有關恐龍既主題展覽.

只係以摺合及螺絲加絲模就可以完成組裝,忍唔住要拎出花園影吓相.借花園旁邊既大樹作背景,營造翼龍出没叢林既主題.呢個金屬恐龍模型系列仲有暴龍,三角龍,劍龍及副櫛龍,日本官網仲有多兩款新恐龍.好耐都無砌模型,因為怕花時間上色.呢款金屬模型正正啱晒我呢類怕上色既人仕,作品當時尚路線藝術雕塑都可以丫.

PS:http://kids.gakken.co.jp/kagaku/mag_kagaku/metalkit/index.html

闊別八年既AIA嘉年華

今晚幸男又出夜街,為既係摩天輪同AIA嘉年華.

是日閒日無咁多人排隊,台灣女生提議先坐摩天輪,再去嘉年華.位位$100,轉咗5個圈就要離座.除咗維港景色,仲可以腑瞰嘉年華場地,感受熱鬧氣氛.

我地同卡箱係一男一女既籍遊客,我向男遊客請求為我地一家合照.

AIA嘉年華入場每位$90,包7個面值$10既代幣,變相係$20入場費.可能平日關係,幸男唔洗排隊就有得玩扒艇仔.話就話玩5分鐘,職員哥哥話無人排隊等候就等小朋友玩到叫停至為止.幸男不停打圈,花咗唔少時間至掌握到左右手一齊向前攪動,才可以向前推進.

反斗車王主題既機動遊戲,幸男點會放過呢?橢圓形路線,直線時均速前住,車箱係彎道上突然加速,營造高速入彎既效果.

意猶未盡,幸男玩完一轉後,向人家示意想玩多一次,並揀咗另一架車黎坐.

花車過山車無人玩,外籍職員為幸男啟動遊戲.幸男揀咗巴士造型既車卡,唔知係咪唔夠膽試騎乘式電單車卡呢?

幸男自己爬上充氣斜坡樓梯時,不慎被超前既大哥哥姐姐所產生既顛簸而失平衡,往後一翻,跟住喊住爬番落黎.我幫人家拎晒手袋同外套,好讓人家入場陪幸男玩三層樓高既充氣滑梯(原來人家話佢自己都好怕高).

以幸男既高度,原本要大人陪同至可以玩呢個旋轉滑翔機動遊戲,但職員哥哥又無示意要家長陪伴,結果勇敢既幸男自己一個人玩.

平均每款小童機動遊戲要3-4個代幣,只係呢個扔銀仔可以一個代幣玩兩回.

計埋額外買既代幣,幸男共用咗三十多個代幣,人家只係陪玩咗充氣滑梯,我只係負責攝影紀錄,全晚最開心既當然係幸男.....

八年前同台灣女生黎AIA嘉年華,我地只係籌備結婚中既情侶,而家我地已經為人父母,有一個四歲大既兒子-幸男.八年後,可能幸男自己同中學同學一齊黎玩,無我同人家既份兒了.到時我同人家就可以慢慢食吓嘢,影吓相,玩吓碰碰車,重現當年好似MI2齣戲,兩部車迎面一齊打白鴿轉既一幕~

休閒@Café Heato

台灣女生係同事口中得知紅橋附近有一間唔錯既咖啡店,不過店舖細少,未必有位入座.今日同人家騎羊去碰運氣,咁啱又有位喎~拉花Cuppiccino味道唔錯,稍嫌份量比較細.

我叫咗份奄列,無諗過伴碟有沙律菜,感覺蠻清新.

人家點咗份蜆肉意粉,一如網上評論所講,蜆肉較少,配上青黃椒,小蕃茄及香草,賣相及味道比預期中好.

意猶未盡,叫多一份New York Cheese Cake分黎食,總消費為$151.

環境舒適,只係座位較少,戶外亦只得一枱,想試的話真係睇彩數.話晒飲咖啡邊飲邊傾,無話食快餐咁趕住走嘛.

兩個人靜靜地閒聊吓,之後係實惠同食品店購物,基乎用晒荷包既現金,好在騎羊番屋企唔洗錢.....

Disney半日遊

今日台灣女生接幸男放學,我就騎羊去燊光買外賣番屋企一齊食,因為我地趕住出去搭巴士轉地鐵入廸仕尼.三點幾入場,咁啱可以坐到觀光巴士,唔洗自己行小鎮大街.

人家唔知係咪見有遊客向職員借氣球影相,於是叫幸男向前影相.

首先排隊玩太空飛碟,可惜相機自拍失敗,前矇後清......

排咗好耐隊至可以玩幸男至愛既飛馳天地,明明人家話上次幸男玩得好好,但今次幸男入彎未能順著方向扭軚,結果令車身搖晃.

幸男指明要玩旋轉杯,結果一家三口一齊轉.一如人家所講,其實無想象中咁頭暈.

近七點就去霸定位睇夜間巡遊,感覺比日頭好睇.燈光既變化加強了動感及夢幻.由於無帶腳架,手持影夜景的確失敗率高.

幸男依依不捨既樣子,完全睇唔出幸男一星期前至睇過夜間巡遊.

唔係次次都霸到人家同幸男前一隻小飛象坐,今次再成功,影相方便好多.

去到反斗奇兵區域巳經好晏,幸男同遙控車合照.

呢個彈弓狗真係轉得好快,加上少少高低起伏,我左手渣相機錄影順時針轉動中既一家,但有幾吓就甩就甩手咁......

幸男想同胡廸合照,但部份區域已關閉,所以轉去搵泡泡龍.

諗住唔睇煙花就走,點知幸男話要食甜品,又俾佢見到有得賣DOLE蘋果肉粒啫喱,結果食住黎睇煙花.

城堡裝修,圍板外畫上原本城堡既模樣,感覺怪怪地.....搭R33番屯門,係築地拉麵食夜晚個餐,再搭的士番屋企,明早幸男又要繼續番學啦~

幸男有禮

今日番工代幸男收禮物,先有Gordon送既利物蒲官方產品-頸巾.大紅色啱晒新年拜年時戴上,台灣女生係利物蒲球迷,當然鍾意呢份禮物.

再有Yannie送既日式迷你曲奇,幸男見啲餅比平時細塊,覺得好搞笑.雜錦曲奇裡,有幸男至愛既蝴蝶酥.

PS:多謝大家對犬兒既厚愛

Are We All lost Stars?

望到封面時感覺好清新,但見係<一奏傾情>導演,有少少慌,因為<一奏傾情>真係悶到我睇唔完,無諗過<BEGIN AGAIN>會係咁好睇.

男主角Dan係一位婚姻失敗兼過氣音樂監製,意外地係酒吧聽到女主角Gretta自彈結他唱出自創歌曲A Step You Can't Take Back.雖然眾人耳中係一首好悶既歌,但男主角對音樂既感銳加上酒精影響下,腦海中加入各種配樂元素,聽出一首感人情歌-描繪被拋棄之女生想跳火車軌輕生前既掙扎.

男主角游說女主角到自己既公司出唱片,但公司要新人自錄DEMO聲帶,於是財困男主角用盡人情牌,搵舊朋友及愛音樂之人一齊係街頭錄音,完成唱片.女主角唔想被唱片公司壓搾及改變自創作品之曲風,最後以網上付款下載型式黎公開作品.故事節奏明快,輕鬆笑料夾雜著感人及思考既佇立點.

男女主角無例牌既愛情線,反而係由不瞭解變成知音.錄音期間既相處,女主角令男主角既家庭關係得以改善(分居太太及女兒再次接受男主角),Dan亦令Gretta明白何為愛(男主角與太太所經歷既辛酸),並放下前音樂合伙兼男朋友.本人覺得結局好切合電影主題<Begin Again>

以前歌曲係大眾既娛樂之一,扭開收音機就可以享受到音樂既刺激及牽動.現今社會較以往富裕,娛樂方式繁多,例如電玩,手機遊戲,飲食,購物,旅行,再經網絡社交以達至快捷方便與即時分享.相比之下,細味一首歌變得落後或奢華,亦令音樂行業比以往萎縮.

LOST STARS

Please don't see just a boy caught up in dreams and fantasies
請別只把我看作 沉迷於夢境和虛幻的男孩
Please see me reaching out for someone I can't see
請你把我當作 向看不見的朋友 伸出我友誼的雙手的人
Take my hand let's see where we wake up tomorrow
牽起我 一起見識 明日甦醒之地
Best laid plans sometimes are just a one night stand
有時候 最好的計畫 就是春宵一晚吧
I'd be damned Cupid's demanding back his arrow
邱比特你真該死! 為何收回了愛之箭呢?
So let's get drunk on our tears and
所以 讓淚水隨著醉意去吧 而且

God, tell us the reason youth is wasted on the young
神啊 告訴我 為什麼年輕人總是虛度光陰呢?
It's hunting season and the lambs are on the run
現在 是狩獵旺季 小羊四處竄逃
Searching for meaning
而我 在尋求自己的意義
But are we all lost stars, trying to light up the dark?
我們是 祈望點亮黑暗 流離失所的繁星嗎?

Who are we? Just a speck of dust within the galaxy?
我們究竟是誰 只是銀河的一點塵埃嗎?
Woe is me. if we're not careful turns into reality
真不幸啊! 如果我們一點都不想回到現實
Don't you dare let our best memories bring you sorrow
你敢讓悲傷隨著美好回憶逝去嗎
Yesterday I saw a lion kiss a deer
昨日 我望見了 一隻獅子對隻鹿獻吻
Turn the page maybe we'll find a brand new ending
翻往別頁 或許我們能尋獲嶄新的結局
Where we're dancing in our tears and
讓我們在悲痛中 歡笑起舞吧

God, tell us the reason youth is wasted on the young
神啊 告訴我 為什麼年輕人總是虛度光陰呢?
It's hunting season and the lambs are on the run
現在 是狩獵旺季 小羊四處竄逃
Searching for meaning
而我 在尋求自己的意義
But are we all lost stars, trying to light up the dark?
我們是 祈望點亮黑暗 流離失所的繁星嗎?
[Bridge]
I thought I saw you out there crying
我想 我看見 你在那兒無助的哭泣
I thought I heard you call my name
我想 我聽見 你輕聲呼喚我的名字
I thought I heard you out there crying
我想 我看見 你在那兒無助的哭泣
Just the same
你依舊悲傷

God, tell us the reason youth is wasted on the young
神啊 告訴我 為什麼年輕人總是虛度光陰呢?
It's hunting season and the lambs are on the run
現在 是狩獵旺季 小羊四處竄逃
Searching for meaning
而我 在尋求自己的意義
But are we all lost stars, trying to light up the dark?
我們是 祈望點亮黑暗 流離失所的繁星嗎?


I thought I saw you out there crying
我想 我看見 你在那兒無助的哭泣
I thought I heard you call my name
我想 我聽見 你輕聲呼喚我的名字
I thought I heard you out there crying
我想 我看見 你在那兒無助的哭泣
But are we all lost stars, trying to light up the dark?
我們是 祈望點亮黑暗 流離失所的繁星嗎?
But are we all lost stars, trying to light up the dark?
我們是 祈望點亮黑暗 流離失所的繁星嗎?

歌詞翻譯源自香港電影評論學會http://www.filmcritics.org.hk/%E9%9B%BB%E5%BD%B1%E8%A9%95%E8%AB%96/%E6%9C%83%E5%93%A1%E5%BD%B1%E8%A9%95/%E9%9F%B3%E6%A8%82%E5%BF%AB%E9%96%83%E9%BB%A8%EF%BC%9A%E3%80%8A%E4%B8%80%E5%88%87%E5%BE%9E%E9%9F%B3%E6%A8%82%E5%86%8D%E9%96%8B%E5%A7%8B%E3%80%8B

啟思親子旅行

今日係幼稚園親子旅行,地點係元朗大棠保良局度假村.一落旅遊巴就開始野外定向,係提示既地點搵出英文字母.

第一站係室內運動館內跟PE老師玩遊戲,除咗有追逐特大氣球外,仲有充氣拳套既遊戲.

家長可以自備午餐,或者去餐廳買飯盒.台灣女生怕人多,所以為幸男準備士多啤梨及肉鬆紫菜飯團.

飯團內既肉鬆係味真香既香脆肉鬆,幸男好受落呢款媽媽製作既飯團.

大人用餐方面,係用象牌保溫瓶既熱水黎"錄"杯麵(我建議杯麵,人家諗到用新買既象牌保溫瓶黎載滾水).

午餐之後係自由時間,我地先去遊樂場,一眾同學已係度玩緊.幸男係其他同學示範及人家既鼓勵下,成功滑鋼條落地面.

未到集合時間,我地行去另一邊睇吓有咩望,結果上咗條長樓梯,去較高既地方.

我地係領袖訓練營外影相留念,幸男擺出奇怪彎身姿勢,我唯有踎低遷就.近集合時間,我地係室內地方等旅遊巴,但都好似係最後至有車上咁滯.幸男開心有爸爸媽媽陪番學,我就志在參予及為幸男影生活照.

Play Doh & 電動車

朝早起身,台灣女生就開尋晚買既Play Doh泥膠俾幸男玩.自己細個時成日係電視機見到有廣告賣,但自己就未曾玩過.

幸男玩得好投入,利用壓條機及壓模,再配合唔同顏色既泥膠,幾可亂真既食物模型呈現眼前(當然要媽媽指導).

一眼就睇得出有薯條,麵條,士多啤梨,冬甩,只係漢堡包頂既麵包太薄,似奄列或芝士多啲.問番人家,原來係想慳泥膠,所以包頂唔夠挺身....

人家番晏,我就同幸男出球場玩.今次我用遙控瑪莉奧賽車黎帶領幸男既電動車,好似"金牌路路通".

期間有一男一女小朋友(約五六歲)走過黎湊熱鬧,佢地對瑪莉奧好有興趣,不停追住遙控車.由於我要不停廻避小朋友既追捕,瑪莉奧係無休息既狀態下,好快就無電,繼而被小朋友捉到.兩位小朋友都唔算太搗蛋,只係放石頭作障礙物影響我既路線,而且無搶走或破壞遙控車.

之後佢地轉移目標,不停阻撓幸男既電動車前進.其間有一個學行既BB女行過,好在幸男及時扭軚避開.我同兩位小朋友講,"再咁樣,下次玩遙控車唔預你地0架",佢地至乖乖地去其他地方玩.

幸男玩多陣電動車就去遊樂場玩,幸男話今日好似玩"瑪莉奧賽車"咁.