今日放工好趕咁落新墟巴倫紐米會合老豆,買飛一齊睇救參96小時3.雖然凱都亦有上映,但得四點場,唯有將就一下巴倫紐米既音效及銀幕......
故事無前兩集咁好,第一集-阿女俾勒索集團擄走,老豆(男主角)追踪兼勇救愛女;第二集-老豆俾仇家夾走,老豆獨自脫身兼清埋仇家,阿女受老豆引導,召集警力善後;第三集,老豆俾陷害殺前妻,暗中聯同愛女兼顧逃命及查出真相,結果竟係計中計,前妻老公幕後玩弄武裝黑幫生意伙伴及男主角.第三集以鬥智為主,無以住兩集既硬橋硬馬及鮮明主綫.
PS:除咗好耐無同老豆入戲院睇戲,今日仲幾乎唔識叫早餐食,真係要多啲時間黎適應番輪班生活.
