那些年,我們一起食的放題

今晚約咗崇真書友,去元朗食放題.西日餐廳既名字,令我諗起以前同契細佬食過果間(教育路),但一眾書友就令我記起一齊食韓陽苑任食韓式料理.

溫生介紹, 識食就梗係食21:00後果輪,因為二人成行,一人半價.

一入座,兩位老饕已急不及待翻看菜單,並於order紙上落筆.

賣點之一，啤酒清酒任飲。由於本人唔好hire 啤，所以揀咗 瑞典Somersby Apple Cider.平時少飲清酒，所以大家前後飲咗2壼。

回本之選當然係刺身,我哋四個人都食咗三盤自選刺身~~

我哋無加錢轉任食生蠔長腳蟹，燒蠔味道都OK, 只係細隻咗啲。

天婦羅拼盤,勝在炸蝦夠長,用黎佐酒啱晒.

羊架我唔啱,但牛扒就真係麻麻哋,燒蝦反而值得再落柯打.

馬sir竟然叫咗個拉麵食,賣相又唔差喎.

愈叫愈心雄,蟹粥都嗌埋,雞翼尖小食好味過係B仔食.

壽司方面,我哋只係叫咗啲較特別既黎試吓.

我見馬sir嗌拉面,教練叫冷烏冬,我就話"咁我唔爭在叫埋蒜香法包".

呢個畫面有啲hehe,女生餵食主題應該會浪漫啲.

臨尾食既芝士雪糕好好食,大家都跟溫生既介紹飲凍奶茶,又真係好濃茶香味喎,簡直係是日驚喜.

PS:好慶幸大家都係仲係住係同區,即使係即興約食飯聚會都大機會成事~