今晚差啲唔記得番老家食團年飯，係屋企WhatsApp群組報名食飯，至被提醒早前已約好今晚。
成枱都係餸，海陸空食均晒(雞都算係禽鳥類丫)。
一反以往模式,今次係食完團年飯,至搭小巴去行年宵。
入口位置依舊係打咭熱點,閃光燈補光下,主體不至面燶。
每年都係近門口位置既花檔買年花,今年追買日本櫻花，因為n夠靚又捱到一個禮拜。
行入啲就開始塞人，台灣女生紮花成為領航旗，向汽球攤檔進發。
幸男以前痛恨既企鵝氣球，已成為每年追買既款式。原本氣球無咁脹，仲以為漏氣，檔主發現係背部未撕開重叠位，故打唔足氣入企鵝體内。
PS:係市中心食完晏，買下午茶番屋企，希望食過“大吉大利”蛋糕，新一年順順利利～
