是日擺酒週年,同幸男講:"爸爸出去攞花,唔好嘈醒媽媽"。一如已往買番同款花球,今次老闆娘話攞唔到平時既單托,反而得較少有既雙托鬱金香。過氣新娘子依舊欣然接受,但覺得似壽球花多啲~
將幸男放係外母家,晏晝騎愛駒入元朗IMAX買飛睇即場既"極速傳奇-福特決戰法拉利"(對賽車主題有情義結)。
"Ford v Ferrari"主力講福特車隊各人(班主,行政團隊,領隊及車手兼機械工程師)交織出黎既奮鬥翻身之夢,夾雜著權謀及寫實元素。相比一級雙雄"RUSH",它無觸動心弦既配樂,以及車手間之熱血死拼故事,少了一點戲劇性,但賽車迷準會乖乖買飛入場。
散場就去王子私房菜食晚飯,見有大閘蟹餐,於是勇敢一試。唔怕貨比貨,點都係比唔上滬江。大閘蟹無咩問題,但其他蟹粉菜色則唔夠大方(蟹粉小籠包,蟹粉扒豆腐及蟹粉薑炒飯)。
PS:没有戲劇式既驚喜,只有二人既放空時光,黙黙地走過12生肖...
