當機立斷換藍牙耳機

之前係Mobo+俾店員reset過MAVIN Air-X,但都係當用WiFi連線時,耳機都係會出現跳線。雖然CS話要早去代理放低至可以即日提取,但我計落數不如先放低耳機,等佢整好至搵日放工出去攞。由於今日等半日辦公時間,所以好趕咁番屋企摷單兼跟住高德導航出荃灣既派龍中心。

向職員陳述跳線問題,試過各種次序,要收埋左機,逼右機單獨運作,再從叉電盒拎出左耳機作連接。明明呢個型號係TRUE WIRELESS+,理應無分主副機,左右同時接收藍牙信號作演釋,所以我堅信係品質既問題。職員拎耳機入去俾維修人員檢測,我同老豆傾咗陣電話。無幾耐就見職員拎出另一盒新機,不過就只係對換叉電盒同耳機,包裝盒連耳膠及充電線則用番我當初買果set。

無諗過半個鐘就可以換番個新機走人,非常滿意代理既高效率服務,無話要放低幾日等check清楚至回覆。回程用舊nakamichi耳機作導航,好在出荃灣既車程兼等候時間已充夠電力。