十點左右出門去太子,於車行放低愛駒換機油及電池,行去花墟附近既PACIFIC COFFEE搵位坐低打發時間。
齋飲又點可以等到食晏時間呢?奧義就係上網睇2006年既時效警察,其間邊同台灣女生whatsapp。Gameboy袋配上外置電源,砌成一個小座架,藍牙耳機亦幫忙打造迷你私人映畫室~
近近地,諗住行去嘉利睇SHOEI既J CRUISE II,可惜撞啱職員午膳時間,未能進入店內.......
唯有四周圍行吓,經過一間校服店。櫥窗既舊式假公仔,令我諗起恐佈電影橋段。
天朗氣清,但有成30度以上,樹蔭成為避暑歇腳點。
行吓行吓,唔覺意行咗去園圃街雀鳥花園。
園內有好幾間店舖,除咗一個個既雀籠,我仲見到有一袋袋既草蜢。
咖啡後突然搞肚痛,急急腳行去新世紀廣場,諗番原來都好耐無黎(Training及剛畢業時代就不時出黎行吓)。
行均成個FOOD COURT,都無咩啱食,而且價錢亦唔平,結果行番落太子求其搵間餐廳食晏。唔怕貨比貨,最怕唔識貨,原來茶木既紅燒牛肉麵真係好好食!!
臨近三點可以攞車,檢查後都係話電池老化引致撻車時電壓不足。唔知原廠出車果舊係咪鋰電,但今次揀咗鋰電,反正只係相差一舊水。回程時有一陣雨,搞到分心入錯線,去咗青嶼幹線......來回無咗$20,只係廸仕尼外既廻旋處兜咗個圈,唯有當行海景高速公路黎叉新電~
PS: 卒之可以清脆地燵車,睇黎短途既駕駛模式,令電池挨唔足兩年。
