這麼近,那麼遠

放大假好難唔出街,今日我哋就搭西鐵去咗海之戀商場行吓。撞正食晏時間兼星期日,間間餐廳門外都排滿人!!二人限食令確實令食店及食客叫苦,結果行番轉頭去brotzolt攞位食晏......職員哥哥搵均全場,安排我坐係兩母子隔離個枱,除咗有條小走廊,仲有埋透明隔板,真係"這麼近,那麼遠"~

星期日無餐叫,純散嗌。生啤配豬手,放任既午餐之選~

食完晏就行去DONKIDONKI,非常非常之多人!!基本上係好似行年宵咁迫,舉步為艱........原本話買便當做晚餐,但望落唔太吸引,所以只係迫個轉就算。無諗過幸男係玩部區搵到架心水TOMICA車仔,而人家就揀咗杏甫酒(日本旅行買過黎飲)同荔枝酒。