二人時光變三人睇波

上屆歐國杯,我哋只係買16強既PASS,但今屆就硬食$1080全51場4K畫質賽事。有別平時720像數飛上電視黎,4K絶無矇鬆散既問題。英格蘭小勝克羅地亞1:0, 作為英格蘭擁躉,人家當然開心。

近中午,好趕咁同台灣女生搭的士去Yoho My Cinema睇請<太太，請小心輕放>。司機係一個年紀較大既女仕,佢聽完目的地後,問番我哋係咪錦田個邊。我話唔係,提佢元朗輕鐵總站落,點佢佢答"哦,新元朗中心~",睇黎佢無揸車好耐.......

齣戲麻麻地,當初都係為咗綾瀨遙而入場。睇完就係隔離既Glasshouse食晏(味道同選擇都差咗)。食飽就去隔離一田買晚餐材料。原定係半島食二人註册週年晚飯,但我唔想食到趕頭趕命,再撲番屋企騎愛駒去接幸男番屋企睇歐國杯,所以晚餐只係食住家二人日式燒肉。