母親節花

聽日係母親節，但BOOK唔到枱食飯(早幾日至話回復22:00前晚市堂食)，唯有食完晏係網上訂住紮花黎頂數先。俾多3舊水送貨，仲要可以今日16:00-18:00送到，計落早啲收花，望足3假期都好喎~晏晝台灣女生帶幸男要出去元朗打針，所以訂花係我，收貨都係我......夜晚番黎見到紮花當然開心，叫幸男將波衫前後調轉著，以示母親身份黎合照。

俾你網上落咗柯打都唔係搞掂，因為要等電話覆有無貨，至e mail條link俾你過數!電話回覆話啲花會同網頁見既唔同，淺紫色既繡球花會變成其他色，腦海一片空白之下"哦,無問題丫"。好在收到實物係比官網張相既襯色仲要好，雖然係貴少少，但人家開心就好了(我都覺得紮花幾靚)。