重遊龍鼓灘兜風

今晚約咗阿基一齊出車(我屋企村口牌坊集合)，話晒佢已摸熟新座駕FORZA330既脾性嘛~以前經常去既BBQ場流星花園不再後，已好耐無入龍鼓灘了。

海邊行人路多咗照明街燈，受惠於智能電話既夜攝能力提升，以前數碼儍瓜機影唔到既夜景，已變成能力範圍內。原來多咗個公廁同藍球場，係我同BURGMAN 150及SKYWAVE 250無既記憶。

回程前將兩車並排合照，基耶為FORZA換咗長風擋，當堂多咗一份巡航感既穩重。

PS:要留意吓電單車上渡輪既event