一家早起身，一齊入元朗yoho睇09:45場次<<The Fall Guy>>。笑料，動作，飛車，愛情，大家都睇得開心，幸男應該覺得好過<<狂野時速 10>>
晏晝係王子私房菜飲茶，行陣就搭輕鐵番屋企。幸男去補習，我就守候住電話，因為要收貨。
點完餐，一齊碰杯，母親節快樂~又話食店生意唔好，但母親節檔期間間都話FULL BOOKING，下年都要早啲籌備。
雖然估到我出去攞花，但台灣女生都係欣然接受無新意既善意。
幸男補完習直取晚餐地點會合我哋，揀區內餐廳嚟遷就幸男既時間。兩母子之前黎食過，覺得OK。
放低番皂花，一家三口自拍合照。其實我係坐係飛標區既戶外高身吧枱位，因為太爆場，所以加位以方便唔介意既客人。
無鱸魚但有煎盲鰽柳，現今市道下，食材都要以經濟實惠為主。
幸男既不二之選-牛扒，美國紐約客，變咗澳洲牛。
人家預早留定既威靈頓牛，稍嫌蘑菇松露味唔夠。食到中段，問侍仔有無Long Island(drink list 上無)，待仔問我要否睇吓價錢先，結果都係百零蚊，畢竟少人嗌。
番到屋企，應主角所求，搭腳架合照，向母親致敬。
