一家三口打的入機場，因為今日係幸男跟學校既澳洲遊學團之出發日。
之前叫幸男去台灣搞既曼城足球遊學團，又話嘥錢又話無必要，今次學校搞就去。說穿了，咪又係無friend陪就唔去......
趁未最後召集(校方)，台灣女生操FLIP 5自拍合照。
十一日至番香港，人家問幸男要否飲杯港式檸茶，結果幸男欣然接受呢杯太興凍檸檬茶。
目送幸男入閘，我同人家行去機場酒店鄰近既The China Coast Bar + Grill坐低飲嘢打躉，因為夜啲要接德輝一家一。
呢兜nuts令我諗起以前落酒吧既美好時光……
人家話網上評價唔差兼人均消費$101-200，但願來係無餐嗌，牛扒盛惠$598。
燒春雞盛惠$298，人均消費應該係指一杯嘢飲已爾。
由於航班延誤，我哋要比預期坐多一個鐘，好在無限時交枱，二人係梳代位睇netflix(電話)打發時間(結果我飲咗三round)。
00：30發現標家庭，大喼又大袋，要分2架行李手推車。
Flip6 既自拍係無得輸既，7個人都順利入鏡。一齊去的士站，分2架車。元朗放低德輝同行李，我同人家坐原的士番屋企。
PS:辛苦人家咁夜訓，聽日要早起身番工。
